Filippi 4:11 - Tedim Bible Revision 2017

¹¹ Bangbangin om taleng a lungkim thei dingin a kisin sa ka hih manin hih bang kong gen ciangin ka kitangsapna a hong pulak nuam ka hi kei hi.

Tedim Bible

¹¹ Tua bang ka cih ciangin keimah tunga kitangsapna ngaihsunin ci ka hi kei hi. Bang hang hiam na cih uh leh, kei in ka thuakna khempeuh ah ka lungkim nadingin ka kisin zo hi.

Filippi 4:11 Referans Kwoze

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

2 KORIN NIHNA 9:8

Note in na kisap khempeuh uh na neih theih nading uh le midangte huh nading zong na neih thuah theih nadingun Pasian in hong pia thei hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

Luka 3:14

Galkap pawl khatte in zong ama kiangah, “Kote, bangci gamtat ding ka hi uh hiam?” ci-in a dot uh ciangin, “Zawhthawh thu tawh ahi a, a man lopi-in mawhsakna tawh ahi zongin kuama sum suh kei unla, na khasum ngah zah uh tawh lungkim un,” ci-in a dawng hi.

Piancilna 28:20

Tua ciangin Jakob in thuciamna khat bawlin, “Pasian in kei hong ompih a, hih ka paina lampi ah kei hong kep a, nek ding an le silh ding puan hong piak a,

Paikhiatna 2:21

Moses zong tua mipa kiangah om ding lungkim a, amah in Moses tungah a tanu Zipporah a pia hi.