Filippi 3:2 - Tedim Bible Revision 2017

² Ui bangin a mi ginalo, a gitloh gamtat, vun at ding a ci teiteite kiang panin na kidawm un.

Tedim Bible

² Tua uite, gilo-a gamtate na peel un, vun-atna thu ah a kineih mite na peel un.

Filippi 3:2 Referans Kwoze

2 KORIN NIHNA 11:13

Amaute pen sawltak taktak hi loin, sawltak a kineihkhemte hi uh a, a nasepna uh ah zong zuau-in, Khrisʼ sawltak taktak a bat theih nadingun a mel kiseel ahi uh hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Galati 5:15

Ahi zongin note pen gamsa bangin khatlekhat kiphuai-in kipet kha le-uhcin na vekpi-un na siatlawh khak ding uh lauhuai ahih manin hoihtakin na kidawm un.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Late 22:16

Ka kiimah uite om a, siatna bawl mi hon khat in kei hong umcih uh hi. Ka khut ka khete hong sun let zo uh hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Late 22:20

Namsau panin keimah hong hon inla, uiteʼ kiang panin ka nuntakna hong hon in.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satanʼ pawlte, noteʼ mai ah hong paisakin na khephung uh ah ka boksak dinga, note ka hong itna thu amaute ka theisak ding hi.

Juda 1:4

Bang hang hiam cih leh Pasianʼ thu a ngaihsun lo mi pawl khat, eite lakah kuama phawk lohin hong lut sim uh a, amauteʼ mawh gamtat ngamnate a seelna-un Pasianʼ hehpihna thupha a lehlamin hei-in, eite in khat bek i neih i Mangpa le i Topa ahi Jesu Khris a nial uh hi. Hih bang miteʼ gimthuak ding thu tanglai pekin Lai Siangtho in a gen sa thu ahi hi.

1 TIMOTI MASA 1:19

na upna le lungsim kisuang loin na omna thu kip takin len paisuak in. Mi pawl khatte in a lungsim kitheihna uh ah man a kisakna bangun gamta lo uh ahih manin a thu upna uh a mawkna a suah uh hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

ROM (Romans) 2:28

Bang hang hiam cih leh a pualam bek a Jew mi hihna le a pualam vun ki-atna lel bek in Jew mi taktak suaksak zo lo hi.

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.

Paunak 26:11

Ui in a luak a zuatkik bangin mihaite zong a hai tat ngei bangin takik zel hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

2 PETER NIHNA 2:22

Paunak ah, “Ui in a luak nekik hi,” a cihna le, “Vok a kisilsiang khit ciangin buannawng lak mahah bualkik veve hi,” a kicihna thu, amaute tungah a piang ahi hi.

Mattiu 24:10

Tua hun ciangin mi tampi in a upna uh khahsuah dinga, khatlekhat kimudahin khatlekhat kilehhek ding uh hi.

Late 119:115

No, siatna a bawlte aw, Pasianʼ thupiakte ka zuih theih nadingin kei kiang panin paikhia un.