Filippi 3:1 - Tedim Bible Revision 2017

¹ A tawpna ah, sanggamte aw, Topa in note tungah lungdamna hong tungsak tahen. Ka hong gelh sa thute ka hong gelhkik ding cimtak huai ka sa kei a, note adingin lungmuan huai zaw lai hi.

Tedim Bible

¹ A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Filippi 3:1 Referans Kwoze

Filippi 4:4

Topa sungah lungdam tawntung un, ka hong cih sa bangin tu-in zong lungdam un, ka hong cikik hi.

ROM (Romans) 5:11

Tua teng bek hi lo lai a, Pasian tawh hong kilemsak i Topa Jesu Khris hangin Pasian tungah i nuam mahmah hi.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

1 PETER MASA 4:13

Tua bangin Khris tawh thuak khawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uh ah na lungdam zaw un.

1 THESALONIKA MASA 5:16

Lungdam tawntungin,

Filippi 4:8

Sanggamte aw, a tawpna ah ka hong gen nop thu in, a hoih le a phat taak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai le a pahtakhuai thute ahi hi.

1 PETER MASA 3:8

A tawpna ah kong gen nop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

2 PETER NIHNA 3:1

Ka itte aw, hih ka hong laigelh a nih veina hi a, lungsim siangtak tawh thu na ngaihsut phatkik theih nadingun a nih vei mahin ka hong phawksakkik hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Luka 1:47

hong Hon Pasianʼ hangin ka nuam mahmah hi.

Zekhariah 10:7

Israel mite, galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topaʼ bawlna hangin kipak ding uh hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

Zefaniah 3:14

Zion tanu aw, nakpi takin la sa inla, Israel aw, lungdamin kiko in. Jerusalem tanu aw, na lungsim khempeuh tawh lungdam in.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidang a bangin khuapi guah, tuk guah le phalbi guah, a hoihbek zah hong zusak hi.

Late 37:4

Topa sungah lungkim in; amah in na deihna hong pia ding hi.

Late 32:11

Thumante aw, Topa tungah lungdamin kipak un. Lungsim man mi khempeuh aw, lungdamin awng un!

JOB (Job) 22:26

Pasian muanin na nei tawntung dinga, na lungdamna bulpi amah ahih lam na thei ding hi.

1 KHANG TANGTHU MASATE 29:22

Tua ciangin amaute in tua ni-in lungdamna lianpi tawh Topaʼ mai ah pawi khamin a om uh hi. Tua ciangin amaute in Davidʼ tapa Solomon kumpi-in a nih veina bawl uh a, amaute in Topa adingin amah kumpi-in sathau nilhin, siampi dingin Zadok sathau a nilh uh hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Isaiah 61:10

Topa’ hangin nakpi takin ka lungdam dinga, ka Pasianʼ hangin kipakin ka diang ding hi. Bang hang hiam cih leh zipi pa puan hoih tawh kizemin, mothak nu a suang manphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Late 149:2

Amah a Bawlpa tungah Israel lungdam henla, amauʼ Kumpipaʼ tungah Zion mite kipak tahen.

Late 97:1

Topa in uk hi. Leitung lungdam henla, tuikulh neu tampite zong lungdam ta uh hen.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Late 5:11

Ahih hangin nang hong belte khempeuh lungdamsak inla, nuamna la sasak tawntung in. Nangma min a deihte nangma hangin gualzo-in a lungdam theih nadingun amaute na hu hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa adingin tu ni pen biakna ni siangtho ni ahi hi; dah kei un, bang hang hiam cih leh Topaʼ hong piak lungdamna in note hong thahatsak ding hi,” a ci hi.

1 KHANG TANGTHU MASATE 16:10

Ama min siangtho hangin nuamin diang unla, Topa a zong mite khempeuh lungdam ta uh hen!

1 KHANG TANGTHU MASATE 15:28

Tua ahih ciangin Israel mi khempeuh in sakite le peengkulte le daltuahteʼ awging tawh kizui-in awng kawmin Topaʼ Thuciamna Singkuang paipih to uh a, harp lasaknate le laiza lasaknate tawh nakpi takin la a sa uh hi.

1 SAMUEL MASA 2:1

Hannah in zong thu ngenin, “Topaʼ tungah ka lungdam a, Topaʼ hangin ka kipak hi. Nong huhna hangin ka galte ka nuihsan hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote le note lakah a om meigong numeite tawh na lungdam khawm ding uh hi.

Thu-hilhkikna 12:18

Topa na Pasian un a teelna munah note le na tapate le na tanute, na nasem numeite le na nasem pasalte le na khuapite uh sunga om Levi mite in Topa na Pasian uh mai ah na ne ding uh hi. Na hihna khempeuh uh ah Topa na Pasian uh mai ah na lungdam ding uh hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Isaiah 65:14

Ka nasemte in lungdamin la sa ding uh a, note in lungsim na sa-in kiko-in, lungsim gimna hangin na tau ding uh hi.

Late 33:1

No thuman mite aw, Topa tungah lungdam un! Pahtawina pen thutangte tawh kilawm kituak hi.