Filippi 2:9 - Tedim Bible Revision 2017

⁹ Hih thu hangin Pasian in a lian penin amah koih a, min lian dang khempeuh sangin a min lian zaw-in a koih hi.

Tedim Bible

⁹ Tua ahih ciangin Pasian in amah pahtawi-in Min khempeuhte sangin min a lianzaw a pia hi.

Filippi 2:9 Referans Kwoze

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Hebru 2:9

Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Isaiah 52:13

Topa in, “En un; ka nasem pa a dau pai-in, amah a lianin kikoihin kilaam to dinga, sang mahmah ding hi.

Mangmuhna 5:12

Amaute in nakpi takin la sa uh a, “A kigo Tuuno in vangliatna le hauhna, pilna le thahatna, pahtawina, minthanna le phatna, a ngah dingin kilawm hi,” a ci uh hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Hebru 1:4

Vantung miteʼ ngah minthanna sangin Tapa tungah Pasian in a piak min a liat zawk mah bangin vantung mite sangin Tapa lian zaw thampek hi.

Late 89:27

Keimah in amah ta upa penin ka bawl dinga, leitung kumpite lakah a lian penin ka bawl ding hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Isaiah 53:12

Tua ahih ciangin amah pen mi liante tawh nate ka hawmsak dinga, amah in mihatte tawh nate a hawm ding hi. Bang hang hiam cih leh amah in sihna dongin a nuntakna pia khia a, khialhna a nei mite tawh a kisim khawm hi. Ahih hangin amah in mi tampiʼ mawhna pua a, khialhna a neite adingin a thumsak hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Late 110:5

Nangma tak lamah Topa hong om a, ama heh ni-in kumpite a zo gawp ding hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Luka 10:22

Tua ciangin Jesu in amaute kiangah, “Hih nate khempeuh ka Pa in kei tungah hong ap khinzo hi. Pasian sim loh, Tapa a thei kuamah om lo hi. Tapa le Tapa in a theihsak nop mite sim loh, Pa a thei kuamah om lo hi,” a ci hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 91:14

Itna tawh hong bel ahih manin amah ka hon khia dinga, ka min hong thei ahih manin mun sangna ah amah ka koih ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

2 PETER NIHNA 1:17

Vanglian Minthang pa in, “Hih pen ka it ka Tapa hi a, ama tungah ka lung a kim mahmah hi,” ci-in genin, Pa Pasian in ama tungah minthanna vang le pahtawina a piak laitakin komau pumpi mahmah tawh a om ka hi uh hi.

Kolose 1:18

Na khempeuh ah amah a lian pen ahih theih nadingin, amah pen pawlpi ahi ama pumpi lutang hi a, pawlpiʼ nuntakna a kipatna hi a, sihna panin a kithokiksak Tapa cil ahi hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

2 THESALONIKA NIHNA 1:12

Tua hileh, eiteʼ Pa Pasian le Topa Jesu Khris hong hehpihna hangin note in ama tung panin minthanna ngahin, ama min zong a thangsak na hi ding uh hi.

Hebru 1:9

Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lian zaw, a lungdamhuai pahtawina nang hong pia hi,” a ci hi.

3 JOHAN THUMNA 1:7

Amaute pen Pasianʼ nasem dingin a khualzin khia uh hi a, thu um lo mite tung panin bangmah huhna ngah lo uh hi.