Filippi 2:7 - Tedim Bible Revision 2017

⁷ Amah kiniamkhiat tawm zaw a, nasem lim a hong pua zaw hi. Mihing bangin amah hong kibawl a, mihing teekteek mah a hong sun hi.

Tedim Bible

⁷ Ama minthan’na paai-in, sila lim la-in, Mi tawh kibatna-ah a suak hi.

Filippi 2:7 Referans Kwoze

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

ROM (Romans) 15:3

Bang hang hiam cih leh Khris zong ama nopsak theih nadingin gamta lo zaw hi. Lai Siangtho sungah, “Note hong kisimmawhna thute kei tungah hong tu hi,” ci-in a kigelh hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Luka 22:27

An ne dingin sabuai ah a tupa le an a pia pa kua lian zaw ahi hiam? An ne dingin a tupa lian zaw mah hi. Ahi zongin kei pen note lakah an pia-in na a sem pa bangin ka hong om hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasianʼ thuciamna a tungsak dingin, Jew mite hoih nading,

Filippi 2:6

Jesu Khris in Pasianʼ pianzia nei napi-in, Pasian tawh a kizakim theihna dingin thatang hat thu a suang kei hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Late 22:6

Ahih hangin kei pen lungno khat bang lel ka hi a, mi ka bang kei hi. Miteʼ ko gawpgawp, miteʼ simmawh ka hi hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Mattiu 12:18

“Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Hebru 13:3

Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

Marka 9:12

Jesu in, “Na khempeuh a bawl khol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Isaiah 49:3

Amah in kei kiangah, “Nang pen keimah hong kiminthansakna ding ka nasem pa Israel na hi hi,” a hong ci hi.

2 KORIN NIHNA 13:4

Bang hang hiam cih leh thaneemna hangin singlamteh tungah a kikhai ahi zongin a hinkikna pen Pasianʼ vangliatna hang ahi hi. Amah tawh ka kipawl manun kote zong ka tha uh nem a, ahi zongin note tungah na ka hong sep uh ciangin Pasianʼ vangliatna zangin ka hong sem khawm ding uh hi.