Filippi 2:26 - Tedim Bible Revision 2017

²⁶ Amah in note hong mu nuam mahmah a, ama natna na zak manun amah zong lunghimawh mahmah hi.

Tedim Bible

²⁶ Bang hang hiam na cih uh leh, a ci natna thu note in na zak uh bangin, amah in note hong ngai-in, nakpi lungzuangin a om hi.

Filippi 2:26 Referans Kwoze

Filippi 1:8

Jesu Khris lungsim zah mahin note ka hong it taktakna thu Pasian in a hong thei hi.

Efesa 3:13

Tua ahih manin note hangin ka thuakna pen noteʼ phattuam nading ahih manin tua ka thuakna thu hangin lungkiatna-in na nei kei un.

ROM (Romans) 12:15

A lungdam mite lungdam pih unla, a dah mite dahpih un.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Paunak 12:25

Lunghihmawhna in lungkhamna piangsak a, kampau hoih in mi lungdamsak hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

ROM (Romans) 9:2

Leitung si le sa ah ka mipihte adingin nakpi takin dahin ka lunggimna a khang hi.

Mattiu 26:37

Tua ciangin Peter le Zebedi tapa tegel tonpih a, dahin a lunggim hun ding a kipan hi.

Mattiu 11:28

“Na semin van gik pua-in a gim mite khempeuh aw, ka kiangah hong pai ta un. Note tungah lungsim tawldamna kong pia ding hi.

Late 69:20

Simmawhna in ka lungsim hong zo a, kei ka cimawh ta hi. Kei a hong hehpih ding mi ka zonzon hangin kuamah om lo a, hong huh ding ka zon hangin kuamah ka mu kei hi.

2 SAMUEL NIHNA 13:39

Tua ciangin kumpipa in Absalom ngai-in hong mahmah hi; bang hang hiam cih leh amah si hi, ci-in thei khin ahih manin Amnonʼ thu ah kihehnem khin hi.

1 PETER MASA 1:6

Tua ahih manin tu laitakin miteʼ bawlsiatna a tuamtuam na thuak manun tawl khat na lungkham uh ahi zongin hih bang thuakna hangin lungdam zaw un.

Filippi 1:3

Note ka hong phawk simin ka biak Pasian tungah ka lungdamna ka ko hi.

Galati 6:2

Thuhaksa na tuah uh ciangin khatlekhat na kihuh un. Tua hileh Khrisʼ thukham a zui na hi uh hi.

2 KORIN NIHNA 9:14

Note tungah Pasian in hehpihna thupha a val a kanin hong piakna hangin amaute in note hong mu nuam mahmah in thu zong hong ngetsak ding uh hi.

1 KORIN MASA 12:26

Khat in natna ngah leh a vekpi-un thuak khawm uh a, khat in pahtakna ngah leh a vekpi-un lungdam khawm uh hi.

ROM (Romans) 1:11

Kha thu ah note na thahat theih nadingun Pasian in a hong piak thuphate hong genpih nuam ka hih manin note tawh kimuh ding ka ut mahmah hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua ah khihcipna a thuak ding bek hi loin, Topa Jesu hangin a si ding ciang dongin a kithawi sa ka hi hi,” ci-in a hong dawng hi.

JOB (Job) 9:27

Ka dahnate kimangngilh bawlin kimaitaisak ding ci taleng zong,

2 SAMUEL NIHNA 24:17

Tua ciangin mite a vat vantungmi a muh ciangin David in Topaʼ tungah thu gen a, “En in, ka mawh hi; a khial pa pen kei ka hi hi. Hih mite in bang khialhna nei ahi uh hiam? Kong thum hi; kei le ka innkuante bek gim hong pia in,” a ci hi.

Filippi 2:25

Note in kamtai ding le keimah hong huh dingin na hong sawl uh, kei tawh na sem khawmin gal hong sim pih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Filippi 2:27

Amah a ci na takpi a, zong si dektak hi. Ahi zongin Pasian in amah hehpih hi. Amah hehpih kei leh keima dahna kibehlap to sawnsawn ding ahih manin amah bek a hehpih hi loin kei zong a hong hehpih ahi hi.