Filippi 2:22 - Tedim Bible Revision 2017

²² Ahi zongin Timoti ahihleh lungdamna thu nasepna ah pata bang ka hih manun manpha mahmah hi.

Tedim Bible

²² Ahih hangin ta in a pa tawh na a sepkhawm mah bangin Timoti in kei tawh Lungdamna Thu khan’sakna-ah na a semkhawm hi ci-in ama teci thu note in na thei uh hi.

Filippi 2:22 Referans Kwoze

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesu Khris thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

2 TIMOTI NIHNA 1:2

Ka it ka ta Timoti tungah lai ka hong khak hi. Pa Pasian le i Topa Khris Jesu in dikna, hehpihna le nopsakna thupha nang tungah hong tungsak tahen.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eiteʼ Topa Khris Jesu in dikna, hehpihna le nopsakna thupha, nangma tungah hong tungsak tahen.

2 KORIN NIHNA 2:9

Note in ze-etna bangzah ciang thuak zo-in, ka thugente na hong mang zo uh hiam cih ka theih nadingin tua lai a hong gelh ka hi hi.

1 TIMOTI MASA 1:18

Ka ta Timoti aw, tanglai pek a kipanin nang bang mite adingin a kigen sa thu tawh kizui-in nang tungah a thu ka hong ap hi. Hoihtakin gal na do zawh nadingin galhiamin tua thute zang inla,

2 KORIN NIHNA 8:22

Amau tegel tawh hong kithuah dingin thu upna sungah ka sanggam uh a dang khat tawh zong ka hong tonsak uh hi. Amah pen na khempeuh ah thuman mahmah hi, ci-in ka theih khit sa uh hi a, note hong muan mahmahna hangin note hong huh ding a lawpna khang semsem hi.

Titu 1:4

Thu upna ah ka ta taktak ahi Titus tungah lai ka hong khak hi. Pa Pasian le eite hong Hon Khris Jesu in nangma tungah hehpihna le nopsakna thupha hong tungsak tahen.

2 TIMOTI NIHNA 3:10

Ahi zongin nangmah in ahihleh ka thuhilhna, ka gamtatna le ka nuntakna ah ka ngim ka tup thute na hong zui hi. Ka upna, ka lungduaina, itna ka neihna, ka lungkipna,

Filippi 2:20

Note ka hong lunghihmawh zahin amah bek mah in note hong lunghihmawh pih hi.

2 KORIN NIHNA 8:24

Tua ahih manin note ka hong kisialhpihna uh ah a kisial khial ka suah loh nading uh le pawlpi khempeuh in a theih tel nadingun hih ka sanggamte uh limtakin na limbawl un.

2 KORIN NIHNA 8:8

Hih bang kong gen ciangin thupiakna tawh a hong gen hi loin, midangte in tua zahin mi huh nading kin ahihleh note in zong midang na itna uh bangzah taktak ahi hiam, ci-in ka theihnopna ahi hi.

Sawltak 16:2

Lystra khua le Ikonium khua-a om thu um mite in Timoti pen a zahtak mahmah uh mi khat ahi hi.

ROM (Romans) 5:4

thuak zawh hatna in Pasianʼ pahtakna hong ngahsak a, ama hong pahtakna in lametna lianpi hong neisak ahihna thu i thei hi.

1 KORIN MASA 16:10

Note kiangah Timoti hong pai zenzen khak leh, amah pen keimah bangin Topaʼ na a sem ahih manin nuam a sak theihtheih nadingin na bawl un.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Filippi 1:12

Sanggamte aw, kei tungah a piang thu in lungdamna thu mai a nawtsak zaw ahihna thu na theih ding uh ka deih hi.

Filippi 1:16

Hih bang mite in, Pasianʼ hong sawlna tawh lungdamna thu ka hutna hangin thong kia ka hihna thu thei-in, itna lungsim tawh Pasianʼ thu a hilh uh hi.

1 TIMOTI MASA 4:6

Nang in na zuih sa upna thu le thuhilhna man na zuih kawmin hih ka hong thugente, i sanggamte kiangah na gen nakleh Khris Jesuʼ nasem a hoih khat na hi ding hi.