Filippi 2:16 - Tedim Bible Revision 2017

¹⁶ Tua hileh a beisa hunah ka sepna le ka hanciamnate a mawkna suak lo ding ahih manin Khris hong paikik ni ciangin kei ka kisial thei ding hi.

Tedim Bible

¹⁶ Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

Filippi 2:16 Referans Kwoze

1 KORIN MASA 9:26

Tua ahih manin ngimna nei lopi-in a mawk tai ka hi kei a, huihlak khawng a mawk tuptup ka hi kei hi.

Galati 2:2

Pasianʼ hong sawlna tawh tua lai ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

1 JOHAN MASA 1:1

Leitung piancil lai pek a kipanin a om sa ahi nuntakna a pia thei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka et tel uh hi a, ka khut mahmah uh tawh ka lawn uh ahi hi.

2 KORIN NIHNA 1:14

Topa Jesu hong paikik Ni ciangin a cing takin thei ding na hih manun note hangin ka kisialh uh mah bangin note zong kote hangin na kisial ding uh hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

1 THESALONIKA MASA 3:5

Tua ahih manin ka thuak zawh nawn loh ciangin noteʼ upna zia a thei dingin Timoti ka hong sawl hi. Dawimangpaʼ ze-etna in note hong puksak kha-in, koteʼ nasepna a mawkna suak kha ding hi, ci-in ka lunghimawh uh hi.

Johan 6:63

Nuntakna a pia thei pen Pasianʼ Kha hi a, mihingteʼ hih theih bangmah om lo hi. Keima hong gen thute pen nuntakna a hong pia thei tua Kha thu ahi hi.

Luka 12:8

“Note kiangah kong cih in ah, keima mi ahihna miʼ theihin a gen khiate, Mihing Tapa in zong Pasianʼ vantung miteʼ mai ah, keima mi hi, ci-in gen khia dinga,

Hebru 4:12

Pasianʼ thu nungta-in a gamtang hi a, lang nih a hiam namsau sangin hiam zaw lai hi. Kha le lungsim, guh le taang kituahna, guh le guhngek dongin khen khia thei hi. Mihingteʼ lungsim ngimna le a ngaihsutnate zong theithei hi.

1 PETER MASA 1:23

A si thei nu le pate sung pan hi loin a si thei lo nu le pate sung panin a nungta tawntung Pasianʼ thu tawh naungek bangin a suakkik na hi uh hi.

1 THESALONIKA MASA 2:19

Tua banga kong pai nopna uh pen, note bek mah koteʼ lamet, ka lungdamna uh le koteʼ gualzawhna lukhu na hi uh a, Topa Jesu hong pai ciangin ama mai ah kong kisialh pih ding uh na hi uh hi.

Galati 4:11

Tua ahih manin note adingin ka nasepna khempeuh a mawkna a suahkhak ding ka hong lunghihmawhsak mahmah hi.

Isaiah 49:4

Ahih hangin keimah in, “Na ka sem a, ahi zongin a kimanna om lo hi. Ka thatang khempeuh ka beisak a, ahi zongin bangmah ka tangtun kei hi. Ahi zongin Topa in a manin na hong sem ding, ci-in ka muang a, ka sep thaman hong pia ding hi, ci-in ka um hi,” ka ci hi.

Late 71:17

Pasian aw, ka khangno lai a kipanin nong thuhilh a, a lamdang na nasepnate ka gengen lai hi.

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

Sawltak 13:26

“Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Mattiu 10:27

Zan khuamial sunga kong gente, sun khuavak sungah taangko unla, a simthamin kong huau thute, inn khumdawn zang ah na taangko un.

Late 40:9

Hotkhiatna hangin lungdam thu mihonpi lakah ka gen ding hi. Topa aw, lungdam thugen ka khawl ngei kei ding hi.

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesu Khris mah in note hong huh ding hi.

Filippi 1:6

Note sungah hih nasep hoih a hong pan khia Pasian in Jesu Khris hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Filippi 1:10

Tua hileh Khris hong paikik ni ciangin paubaanna om loin a siangtho na hi ding uh hi.