Filippi 2:13 - Tedim Bible Revision 2017

¹³ Bang hang hiam cih leh note in utna lungsim na neih nading uh le ama deihna na zuih zawh nadingun note sungah Pasian in a tawntungin na a hong sem ahi hi.

Tedim Bible

¹³ Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Filippi 2:13 Referans Kwoze

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

2 KORIN NIHNA 3:5

Hih bang sep zawh nadingin kote in siamna nei ung a ci hi loin, sep zawh nading siamna pen Pasian hong piak ahi hi.

2 TIMOTI NIHNA 1:9

Eiteʼ sep zawhna hang hi loin ama ngimna sa bang leh a dikna hangin Pasian in eite hong hon khia-in ama mi dingin a hong sam hi. Pasian in leitung a pianmapekin Khris Jesu tungtawnin tua dikna a hong piak hi a,

ROM (Romans) 9:16

Tua ahih ciangin miteʼ utna le sepna tawh kisai lo a, Pasianʼ hehpihna bek tawh kisai zaw hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

Johan 3:27

Johan in, “Pasian in hih theih nading thu pia kei leh kuamah in bangmah hih thei lo hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

1 KORIN MASA 12:6

Nasep nading siamna a nam tuamtuam om a, ahi zongin sep theih nading siamna a hong pia Pasian a kibang ahi hi.

2 THESALONIKA NIHNA 1:11

Tua ahih manin ama hong sapna tawh a kilawm a kituak nuntakna na nuntak theih nading uh le ama vangliatna tawh a hoih na hih nop khempeuh uh hih zo-in, na upna uh hangin na khempeuh na zawh theih nadingun Pasian kiangah thu ka hong ngetsak tawntung uh hi.

Efesa 1:5

Pasian in Jesu Khris hangin ama mite ahi dingin eite a hong bawl ding a seh kholh sa hi a, tua bangin a hong bawl ding pen ama tupna le a utna ahi hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

1 KUMPI MASATE 8:58

Amah in i pu i pate a thupiak sa ahi ama lampi khempeuh a zui ding le ama thupiaknate, a thukhamte le a ngeina kipte a zui dingin ama lamah i lungsim hong awnsak hen.

Late 119:36

Nangma thuhilhnateʼ lamah ka lungsim awnsak inla, ngah nading bekah awnsak kei in.

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Efesa 1:9

Pasian in a pilna le a thumuhnate zangin ama geel sa bangin hong sem a, Khris zangin a sepnop thusim teng eite tungah hong kilangsak hi.

Johan 6:65

Tua ciangin Jesu in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a gen thuah lai hi.

Jeremiah 32:38

Amaute keima mi hi ding uh a, kei pen amauteʼ Pasian ka hi ding hi.

ROM (Romans) 9:11

Pasianʼ teelna pen a teel miteʼ nasepna hang hi loin Pasianʼ sapna tawh kisai zaw hi, ci-in a kilat nadingin a tate a sia a pha a gamtat theih ma, a suah ma pek mahin

Jeremiah 31:33

Ahih hangin Topa in kong cih in ah, tua hun hong tun ciangin Israel minamte tawh hih bangin thuciamna ka bawl ding hi: Amauteʼ sungah ka thukham ka koih dinga, amauteʼ lungtang tungah ka gelh ding hi. Kei pen amauteʼ Pasian ka hi dinga, amaute pen keima mite ahi ding uh hi.

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Ezra 1:1

Persia kumpi Sairasʼ uk kum khatna kumin, Jeremiah tungtawnin Topaʼ thugen a tun theih nadingin, ama gam sung khempeuh ah taangkona khat bawlin lai-in zong a gelh nadingin Persia kumpi Sairasʼ lungsimah Topa in a suaksak hi. Amah in hih bangin a hih hi:

Ezra 7:27

Tua ciangin Ezra in, “Jerusalem-a om Topaʼ biakinn tua bangin a min thangsak thuah dingin kumpipa lungsimah suak a, kumpipa le a thulamlakte le a uliante kei tungah a thunuam dingin a bawl i pu i pateʼ Pasian ahi Topa in thupha ngah tahen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Ezra 1:5

Tua ciangin Judah le Benjamin sunga innkuan lutangte le siampite le Levi mite, Jerusalem khua-a om Topaʼ biakinn a lamkik dingin a lungsim sung uh ah Pasian in a suahsak mite khempeuh kithawi uh hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Johan 6:45

Kamsangte in a lai gelhna uh ah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Isaiah 26:12

Topa aw, kote tungah maavanna hong pia in. Koteʼ matut zawhna khempeuh nangmah in na hong sepsakna hang ahi hi.

Late 141:4

Mawh bawlnopna lungsim hong neisak kei inla, a gilo mite tawh hong kikhawlsak kei in. Amauʼ anlimte hong duhgawhsak kei ta in.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawng ah vantung Pasian kiangah thu ka ngen a,

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

Sawltak 11:21

Topa in nakpi takin amaute huh ahih manin mi tampi in thu umin Topa lamah a kihei uh hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

JOB (Job) 33:29

Pasian in hih thute khempeuh mihingte tungah hong hihkik zelzel a,

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

ROM (Romans) 12:3

Pasian in kei tungah hehpihna hong piakkhongna hangin note tungah kong gen nop thu in: Note tawh a kituak zah valin kilian ngaihsut zaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.