Filippi 1:7 - Tedim Bible Revision 2017

⁷ Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Tedim Bible

⁷ Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Filippi 1:7 Referans Kwoze

2 KORIN NIHNA 7:3

Hih bang ka hong cih ciangin note mawhsak nopna tawh thu a hong gen ka hi kei hi. Bang hang hiam cih leh ka hong gen sa mah bangin note hong it mahmah ka hih manun note na hin uh leh hing khawm, na sih uh leh zong a si khawm ngam ka hi uh hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

Kolose 4:18

Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

Filippi 4:14

Ahi zongin ka lungkham laitakin na hong huh manun hoih mahmah hi.

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Sawltak 20:23

Thongkiatna le gimna ka thuak nading thu bekbek, ka omna khua khempeuh ah Kha Siangtho in hong gen tawntung hi.

1 JOHAN MASA 3:14

Ei Khristiante khatlekhat ki-it ihih manin sihna khut sung panin pai khia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khut sung mahah a om lai uh ahi hi.

2 PETER NIHNA 1:13

Ka nuntak lai teng hih thute ka hong phawksak kikkik ding thuhoih khat hi, ci-in ka ngaihsun hi.

1 PETER MASA 4:13

Tua bangin Khris tawh thuak khawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uh ah na lungdam zaw un.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

1 THESALONIKA MASA 5:5

Bang hang hiam cih leh note khempeuh, khuavak gamtatna a nei, sun khuavak mite na hi uh a, eite pen khuamial gamtatna a nei, zan khuamial mite ihi kei hi.

Kolose 4:3

Mite kiangah Khrisʼ thusim hilh theih nadingin Pasian in kote tungah hunpha hong piak theih nadingin thu hong ngetsak un. Ka thongkiatna pen hih thu hang mah ahi hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

2 KORIN NIHNA 3:2

Note mahmah pen mihoih ka hihna uh lah nadingin koteʼ lai na hi uh a, mi khempeuh in simin a theih nadingun koteʼ lungtang tungah a kigelh lai na hi uh hi.

1 KORIN MASA 13:7

Itna neite lungkia cih omngei lo hi; a upna, a lametna, lungduai takin a ngaknate uh a mawkna cih omngei lo hi.

1 KORIN MASA 9:23

Hih bangin ka gamtatna pen amaute tungah Lungdamna Thu ka tut theih nading le keima nasep hoihtakin ka sep theih nading ka deihna ahi hi.

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

Filippi 1:12

Sanggamte aw, kei tungah a piang thu in lungdamna thu mai a nawtsak zaw ahihna thu na theih ding uh ka deih hi.

Filippi 1:13

Bang hang hiam cih leh Khris nasem ka hihna hangin thong kia ka hihna thu, inncing galkapte a kipanin mi khempeuh in a thei uh hi.

Filippi 1:14

Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Filippi 2:22

Ahi zongin Timoti ahihleh lungdamna thu nasepna ah pata bang ka hih manun manpha mahmah hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

Filippi 4:15

Na theih sa uh mah bangin Lungdamna Thu ka hilh cil lai-in noteʼ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theih pih na hi uh hi.

Filemon 1:13

Lungdamna Thu hangin thongkia-in ka om sungin nangma tangin kei a hong huh dingin ka kiangah ka omsak nuam hi.