Filippi 1:30 - Tedim Bible Revision 2017

³⁰ Tua ahih ciangin tu-in note in na hong muh uh ka galdona le tu mahmah in ka do lailai na zak uh thute ah kei na hong do pih thei ding uh hi.

Tedim Bible

³⁰ Tua ahih ciangin tu-in note in na hong muh uh ka galdona le tu mahmahin ka do lailai na zak uh thute-ah kei na hong dopih thei ding uh hi.

Filippi 1:30 Referans Kwoze

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

2 TIMOTI NIHNA 4:7

Kidemna ah ka hat tawpin ka hih khin a, a mong dongin ka tai khin a, upna thu kho takin lenin ka zo khin hi.

Hebru 12:4

Tu ciang dong mawhna tawh na kidona uh ah sihna zah ciang dongin na dona uh om nai lo hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

1 TIMOTI MASA 6:12

Upna thu ah hoihtakin nawk suak inla, mi tampiʼ zakin na pulak sa, Pasian in nangmah a hong piak nuntak tawntungna lenkip in.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Filippi 1:13

Bang hang hiam cih leh Khris nasem ka hihna hangin thong kia ka hihna thu, inncing galkapte a kipanin mi khempeuh in a thei uh hi.

Kolose 2:1

Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

Hebru 12:1

Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.