Filippi 1:28 - Tedim Bible Revision 2017

²⁸ Note a hong gualzosak ding pa pen Pasian ahih manin na galte uh na kihta kei un. Hang takin om tawntung le-uhcin, note a gualzo ding hi-in, na galte uh a guallel ding ahihna thu, na galte un hong thei ding hi.

Tedim Bible

²⁸ Tua bangin galte hangah lau lohna in amaute’ adingin kisiat nading lim ahi hi; note’ adingin ahih leh, Pasian’ vaihawmna bangin gupna lim ahi hi.

Filippi 1:28 Referans Kwoze

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Luka 3:6

Mi khempeuh in Pasianʼ hotkhiatna ngah ding uh hi,’” ci-in a kigelh hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Piancilna 49:18

“Nong hotkhiat ding ka ngak hi, Topa.

Sawltak 28:28

Tua ciangin Paul in, “Tua ahihleh tu-in Gentail mite tungah Pasianʼ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Johan 16:8

Amah hong tun ciangin leitung mite tungah mawhna thu, thuman thu leh thukhenna thu laktel ding hi.

Marka 3:3

Jesu in khut zaw mipa kiangah, “Hih a mai lamah hong ding in,” a ci hi.