Filippi 1:27 - Tedim Bible Revision 2017

²⁷ Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

Tedim Bible

²⁷ Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Filippi 1:27 Referans Kwoze

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

1 KORIN MASA 1:10

Sanggamte aw, note khatlekhat kithutuakin, pawl kikhenna om kha loin, na lungsim, na ngaihsutna uh le na ngimna uh na kikhatsak nadingun i Topa Jesu Khris min tawh kong thum hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Filippi 3:18

Singlamteh tungah Khris a sihna thu tawh a kilehngatin a nungta mi tampi tak a omna thu, a beisa hunah tam veipi ka hong gen khin a, tu-in zong khitui tawh ka hong genpha kikkik hi.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

Late 133:1

En un, sanggamte pum khat suakin a tut khawm uh ciangin bangzahin hoihin nuam ahi hiam?

Jeremiah 32:39

Amauteʼ hoih nading le amauteʼ nung a a tu a tate uh a hoih nadingin a tawntungin kei hong zahtak nadingun a lungsim uh kikhat sakin, a nuntak dan uh zong ka kikhatsak ding hi.

2 PETER NIHNA 3:11

Hih nate khempeuh hih bangin kisusia mang khin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasianʼ deihna bangin na gamta unla,

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a hon khia zo Pasianʼ vangliatna ahi hi.

Jeim 3:18

Kilemna a piangsak mite in lungnuam takin a tuh khaici in hoihna le dikna a piangsak hi.

Titu 2:10

a guktaak loh nading, a tawntungin hoih gamtatin a cihtakna uh a kilatsak nadingun na hanthawn in. Tua hileh eite hong Hon Pasianʼ thu a hoihna a kilangsakte ahi ding uh ahi hi.

2 TIMOTI NIHNA 4:7

Kidemna ah ka hat tawpin ka hih khin a, a mong dongin ka tai khin a, upna thu kho takin lenin ka zo khin hi.

1 TIMOTI MASA 1:19

na upna le lungsim kisuang loin na omna thu kip takin len paisuak in. Mi pawl khatte in a lungsim kitheihna uh ah man a kisakna bangun gamta lo uh ahih manin a thu upna uh a mawkna a suah uh hi.

1 TIMOTI MASA 1:11

Thuman ka cih pen thupha tawh kidimin a minthang Pasian in ka hilh dingin kei tungah a hong piak Lungdamna Thu ahi hi.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Mattiu 12:25

Jesu in amauteʼ ngaihsutna thei ahih manin amaute kiangah, “Gam khat peuhpeuh, a gam mite kiphelkhamin pawl khat le pawl khat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Paunak 22:23

Bang hang hiam cih leh Topa in amaute panpih dinga, amau a bawlsiate tungah phu a laksak ding hi.

1 THESALONIKA MASA 3:6

Ahi zongin tu-in note kiang panin Timoti hong tung khin a, noteʼ upna le nong itna uh thute a hong gen hi. Kote na hong lim ngaihsutnate uh le kote in ka hong muhnop uh mah bangin note in zong kote na hong muhnopna uh thute khempeuh a hong gen hi.

Filippi 2:24

A sawt loin kei mahmah zong ka hong pai theih nadingin Topa in hong huh ding hi, ci-in ka muang hi.

Efesa 1:15

Note in Topa Jesu na muanna thu uh le thu umte khempeuh na itna thu uh ka zak hun a kipanin,

Efesa 1:13

Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Galati 1:7

A taktakin ci lehang lungdamna thu a dang a om hi lo a, mi pawl khatte in noteʼ lungsim hong toknawi-in, Khris hanga lungdamna thu hei-in thudang tawh laih nuam uh ahih manin, tua amauʼ deih thu pen lungdamna thu a cihsak mawkmawk ka hi hi.

2 KORIN NIHNA 9:13

Note in na up uh Jesu hangin lungdamna thu ah na cihtakna uh le amaute le midang khempeuh tungah na cit piakna hangun mi tampite in Pasianʼ min phat ding uh hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

ROM (Romans) 15:29

Note kiang ka hong tun ciangin Khris kiang panin thupha tampi tak ka hong puak ding lamtak ka thei hi.

ROM (Romans) 15:16

Gentail mite tungah na a sem dingin Khris Jesu sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasianʼ tungah a piak, ama san theih biakpiaknate a suah theih nadingin Pasian kiang panin a hong pai Lungdamna Thu ka hilhna ah siampi bangin na ka sem hi.

ROM (Romans) 10:8

Tua bang a cih ciangin, “Pasianʼ thu pen nai mahmah in note kam sung le na lungsim sung uh ah om hi,” a cihnopna ahi hi. Tua Pasianʼ thu pen koteʼ hilhhilh, “Pasian um un,” cihna thu ahi hi.

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

ROM (Romans) 1:5

Minam khempeuh in ama thu umin a zuih theih nadingun Khris hangin sawltak nasep sep theih nading hamphatna thu Pasian in Khrisʼ na sep nadingin kote a hong pia hi.

Sawltak 24:24

Tua zawh a sawt loin Feliks le Jew mi ahi a zi Drusilla, Paul a kikhumna ah hong pai-in amah sam khiasak uh a, Paul in Jesu Khris upna thu a gennate a nupa-un a ngai uh hi.

Late 122:3

Jerusalem khuapi pen Israel-te tungah thu a kipiak sa bangin Topaʼ tungah lungdamna a ko dingin Topaʼ minamte, Israel minamte, a hong pai tohna, khuapi lian tawh a kibangin a kibawl, kip takin a kilam bikbek khuapi ahi hi.

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesu Khris, eiteʼ Honpa, lawptakin a ngakte ihi hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

1 KHANG TANGTHU MASATE 19:12

Tua ciangin amah in, “Syria mite ka lelhtuak leh nangmah in kei nong huh dinga, ahih hangin Ammon mite nang na lelhtuak leh keimah in nang kong huh ding hi.