Filippi 1:25 - Tedim Bible Revision 2017

²⁵ Hih thu a hoih pen ding hi, ci-in thei tel ka hih manin noteʼ khantoh nading le upna hangin na lungdamna uh a khangsak dingin note ka hong hin pih lai ding hi.

Tedim Bible

^25-26 Tua bangin pumpi cidamin ka om ding um ka hih ciangin nomau omna-ah khatvei ka hong pai ding maninah, note in Khazih Zeisu sungah keimah hangin lungdam kisathei zaw-in na om nadingun, note in upna-ah khangin na lungdam nading uh, kei in pumpi sungah omin note khempeuh tawh omkhawm nading thu ka ngah ding hi ci-in ka thei hi.

Filippi 1:25 Referans Kwoze

Filippi 2:24

A sawt loin kei mahmah zong ka hong pai theih nadingin Topa in hong huh ding hi, ci-in ka muang hi.

2 KORIN NIHNA 1:24

Hih bangin um un, ci-in thatang hat thu tawh a hong gen ding ka hi kei uh hi. Note na upna uh ah kip khin na hih manun noteʼ lungdam nadingin note tawh na a sem khawm ka hi uh hi.

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

Sawltak 20:25

“A beisa hunah Pasianʼ Ukna thu a hilhin note lakah kong vak kawikawi a, ahi zongin tu-in kuamah in nong muhkik nawn loh ding uh ka thei hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

ROM (Romans) 15:29

Note kiang ka hong tun ciangin Khris kiang panin thupha tampi tak ka hong puak ding lamtak ka thei hi.

ROM (Romans) 15:18

Kha Siangthoʼ vangliatna tawh lim le nalamdangte zangin, Gentail mite in Pasian thu a zuih theih nadingun Khris in ka thatang le ka kam ka muk a zatna thute bekah hang takin genin ka telkheh ding hi. Tua ahih manin Jerusalem khua panin Illyrikam gam ciang dong ka zinna khempeuh ah Jesu Khris hangin Lungdamna Thu ka hilh khinzo hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Late 60:6

A biakinn sungah Pasian in thu gen a, “Gualzo a lungdamna tawh Shekhem gam khen khia-in Sukkoth gam kuam ka seh khia ding hi.

Filippi 1:24

Ahi zongin note adingin kei ka hin lai ding kisam pha zaw hi.

Filemon 1:22

Tua banah, Pasian in note khempeuhʼ thungetna hong pia-in, note kiangah kei hong paikik thei dingin kilamen ka hih manin ka om nading inn dei zong a baih sa-in na bawl un.