Filippi 1:22 - Tedim Bible Revision 2017

²² Leitung pumpi nungta lai hi leng na a manpha tampi sem thei ding ka hih manin, sih ding le hin ding ka teel sawn ding ka thei kei hi.

Tedim Bible

²² Ahih hangin ka pumpi sungah nungta-in, tua nuntakna in ka nasepna-ah gah a pian’sak ding leh, ka teel ding ka thei kei hi.

Filippi 1:22 Referans Kwoze

1 PETER MASA 4:2

Tua ahih manin tu a kipanin na leitung nuntak sung uh mihingteʼ deihna bangin gamta loin Pasianʼ deihna bangin na gamtat ding uh ahi hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

Filippi 1:24

Ahi zongin note adingin kei ka hin lai ding kisam pha zaw hi.

Sawltak 3:17

“Tua ahih ciangin sanggamte aw, note le na makaite uh hih bangin Jesu tungah na gamtatna uh na theih lohna hang uh hi, ci-in ka thei hi.

2 KORIN NIHNA 10:3

Kote pen leitungah a teeng mi ka hi mah uh hi; ahi zongin leitung lungsim ngimna tawh galdo ka hi kei uh hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna thu ka gen khit matengin, teekin ka sam a kang zongin kei hong nusia kei in.

Kolose 2:1

Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

ROM (Romans) 11:2

Pasian in tanglai panin a teel sa mite nusia lo hi. Elijah in Israel mite mawhsakin Pasian kiangah nakpi takin thu a genna Lai Siangtho sungah a kigelh thei lo na hi uh hiam?

Paikhiatna 32:1

Mual tung panin Moses hong tun suk hakna mite in a theih uh ciangin, Aaron kiangah mite amau mah kikaikhawm tawmin ama kiangah, “Kithawi in; koteʼ mai ah a pai ding pasian hong bawlsak in. Egypt leitang panin eite hong paikhiatpih to Moses ahihleh bang suak khin cih i thei kei hi,” a ci uh hi.

Piancilna 39:8

Ahih hangin amah in nialin a topaʼ zi kiangah, “En in, kei hong nei ahih manin ka topa in inn sungah bangmah lunghihmawhna nei lo a, ama neih khempeuh ka khut sungah hong koih khin hi.

Piancilna 21:26

Abimelek in, “Kua in hih hiam ka thei kei hi. Nang nong gen kei a, keimah in tu ni dong ka za nai kei hi,” a ci hi.

ROM (Romans) 1:13

Khris sungah sanggamte aw, Gentail midangte lakah thu um mi ka ngah mah bangin note lakah zong ngah ding lametna tawh note kiangah pai ding tam veipi ka geel zel hangin ka hong pai theih lohna thu nong theih ding uh ka ut hi.

Filippi 1:23

Hih thu nih khensat hak ka sa mahmah hi. Kei adingin hoih zaw thampek ahih manin leitung pumpi si-in Khris tawh om khawm ding ka ut hi.