Filippi 1:19 - Tedim Bible Revision 2017

¹⁹ Note hong thungetsakna le Jesu Khris Kha Siangtho huhna tawh suakta ding hi ing, ci-in thei ka hih manin ka lungdam hi.

Tedim Bible

^19-20 Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.

Filippi 1:19 Referans Kwoze

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

Sawltak 16:7

Mysia gamgi a tun uh ciangin Bithynia gam sungah lut dingin kithawi uh a, ahi zongin tua gamah a pai ding uh Jesuʼ Kha Siangtho in phal lo hi.

2 KORIN NIHNA 1:11

Kote adingin thu hong ngetsak un. Tua hileh mi tampi in kote adingin thu a hong ngetsaknate uh Pasian in a hong piakna hangin mi tampi mah in koteʼ tang dingin Pasian tungah lungdamna ko thei ding uh hi.

Galati 4:6

Note pen ama tate na hihna uh a hong lah nadingin Pasian in ama Tapaʼ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

ROM (Romans) 8:9

Note sungah Pasianʼ Kha Siangtho hong om nakleh nomau pumpi deihna bangin gamta loin Kha Siangtho deihna bangin na gamta ding uh hi. Khris lungsim a nei lote Khris tawh kipawl lo hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesu Khris thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

Galati 3:5

Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Filippi 1:18

Ahi zongin phamawh ka sa kei hi. Lungsim hoih tawh a kihilh a, lungsim khem tawh a kihilh ahi zongin, bangbang hitaseleh Khrisʼ thu gen uh ahih nungsang, kei ka lungdam hi.