Filippi 1:16 - Tedim Bible Revision 2017

¹⁶ Hih bang mite in, Pasianʼ hong sawlna tawh lungdamna thu ka hutna hangin thong kia ka hihna thu thei-in, itna lungsim tawh Pasianʼ thu a hilh uh hi.

Tedim Bible

¹⁶ Keimah in Lungdamna Thu hu dingin hong kikoih ka hihna thu kimkhatte in thei-in, ki-itna lungsim tawh a hilh uh hi.

Filippi 1:16 Referans Kwoze

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

Filippi 1:12

Sanggamte aw, kei tungah a piang thu in lungdamna thu mai a nawtsak zaw ahihna thu na theih ding uh ka deih hi.

Filippi 1:10

Tua hileh Khris hong paikik ni ciangin paubaanna om loin a siangtho na hi ding uh hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Late 69:26

Bang hang hiam cih leh nangmah in na sat gawp mi amaute in bawlsia uh a, nangmah in na liamsak sa mi amaute in gimsak sawnsawn uh hi.

JOB (Job) 6:14

“Pasian ka nusia a, ka nusia kei zongin, hih bang lungkham hunin lawm citak ka kisam hi.

JOB (Job) 16:4

Note le keimah a kikhek thei hi lehang, noteʼ gen khempeuh kei zong ka gen thei ding hi. Note ka lu hong peisanin thu tampi tak mah kong gen thei ding hi.

1 KORIN MASA 9:17

Keima utthu tawh a sem hi leng sep thaman ka lamen ding hi. Ahi zongin Pasian in a sem dingin hong sawl ahih manin ka sep ding nasep a sem ka hi hi.

Filippi 2:22

Ahi zongin Timoti ahihleh lungdamna thu nasepna ah pata bang ka hih manun manpha mahmah hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

Filippi 4:15

Na theih sa uh mah bangin Lungdamna Thu ka hilh cil lai-in noteʼ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theih pih na hi uh hi.