Filippi 1:14 - Tedim Bible Revision 2017

¹⁴ Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Tedim Bible

¹⁴ Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.

Filippi 1:14 Referans Kwoze

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Luka 1:74

i galte kiang panin eite hong hotkhiat nading le launa om loin amah bia-in,

Kolose 4:4

Miteʼ tel theih dingin a kitel takin ka gen theih nadingin thu hong ngetsak un.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Kolose 4:7

Topaʼ nasepna ah citakin a manpha mahmah ka nasep pih uh ka sanggam uh Tikhikas in keiʼ thu a kicing takin note kiangah hong gen ding hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Efesa 3:13

Tua ahih manin note hangin ka thuakna pen noteʼ phattuam nading ahih manin tua ka thuakna thu hangin lungkiatna-in na nei kei un.

2 KORIN NIHNA 3:12

Hih bang lametna nei ka hih manun hang takin a om ka hi uh hi.

2 KORIN NIHNA 7:4

Note hong muang mahmah in note hangin ka kisathei a, lungkhamna a tuamtuam ka tuah hangin lunghimawh loin ka lungnuam mahmah hi.

Filippi 1:20

Ka si a, ka hing zongin, a diakdiakin tu a kipanin a tawntungin midangte in Khris phat theih nading lungsim hanna a neih theih nadingun ka lungsim le ka pumpi tawh keima tavuan ka lelh het loh nading pen ka deihdeih, ka lam etet bulpi ahi hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

Marka 3:3

Jesu in khut zaw mipa kiangah, “Hih a mai lamah hong ding in,” a ci hi.