Filippi 1:12 - Tedim Bible Revision 2017

¹² Sanggamte aw, kei tungah a piang thu in lungdamna thu mai a nawtsak zaw ahihna thu na theih ding uh ka deih hi.

Tedim Bible

¹² Ute naute aw, keimah tungah hong tung nate in Lungdamna Thu khaam lo tham loin, a khangsak zaw hi ci-in na theih nadingun ka deih hi.

Filippi 1:12 Referans Kwoze

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

ROM (Romans) 8:37

Eite a hong it paʼ hangin hih thu khempeuh ah a gualzo pente ihi hi.

Sawltak 8:4

Tua bangin a kithehthang mite pai kawikawi-in thu a hilh uh hi.

Late 76:10

Mihingteʼ hehna in nang hong kiphatna ding piangsak dinga, na hehna panin a suakta mite in nangmah pahtawina pawi a bawl ding uh hi.

Esther 9:1

A kha sawm le nihna ahi Adar kha a ni sawm le thum ni-in kumpipaʼ thupiakna bangin sep khiatna ding hun hong tung hi. Jew miteʼ galte in gualzo dinga a ki-up ni teek pen amau a mudah miteʼ tungah Jew mite a gualzawh ni ding hong hizaw hi.

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat laitakin amah in Egypt miteʼ khutnuai panin mite khah khia hi,” a ci hi.

Luka 21:13

Hih hunsung pen note in Lungdamna Thu na gen theih nading uh hunhoih ahi hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Filippi 2:22

Ahi zongin Timoti ahihleh lungdamna thu nasepna ah pata bang ka hih manun manpha mahmah hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

Filippi 4:15

Na theih sa uh mah bangin Lungdamna Thu ka hilh cil lai-in noteʼ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theih pih na hi uh hi.

1 TIMOTI MASA 2:8

Mun khempeuh ah a om pasal khempeuh in kuamah tawh kitotna le lungsim kinopmawhna nei het loin, lungsim siangtho tawh a khut uh lamin thu a nget ding uh ka deih hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.