Filippi 1:1 - Tedim Bible Revision 2017

¹ Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

Tedim Bible

¹ Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Filippi 1:1 Referans Kwoze

2 KORIN NIHNA 1:1

Jesu Khrisʼ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua ah a om Pasianʼ pawlpi mite le Akhaia gam sungah a om Pasianʼ mite khempeuh tungah lai ka hong khak uh hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

Titu 1:1

Pasianʼ sila le Jesu Khrisʼ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasianʼ teel miteʼ upna le thuman thutak a theihna uh ah biakna thu tawh kituakin a khan semsem nading thu a hilh dingin eite hong Hon Pasianʼ thupiakna tawh nasep hong kipia ahih manin,

1 TIMOTI MASA 3:8

Pawlpi upa dingte zong a gamtat hoih, a lungsim citak, leenggahzu tam a ne lo, sum thu ah a huaiham mi hi lo ding uh hi.

2 THESALONIKA NIHNA 1:1

Keimah Paul le Silas le Timoti te in: Pasian le Topa Jesu Khris sungah a om, Thesalonika khua-a om pawlpi mite tungah lai ka hong khak uh hi.

1 THESALONIKA MASA 1:1

Keimah Paul le Silas le Timoti in Pa Pasian le Topa Jesu Khris sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

Efesa 1:1

Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eiteʼ Topa Khris Jesu in dikna, hehpihna le nopsakna thupha, nangma tungah hong tungsak tahen.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Mangmuhna 1:1

Hih laibu pen a piang baih ding thute, Pasianʼ nasemte tungah a lah dingin Pasian in Jesu tungah a thu pia a, Jesu in mang sungah a lah thute ahi hi. Khris in ama vantungmi sawl a, a nasem pa Johan kiangah hih thute a kilangsak hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Hebru 13:23

I sanggampa Timoti zong thong panin a suahtak khitna thu ka hong theisak nuam hi. Amah hong pai baih nakleh note kiangah ka hong pai ciangin ka hong tonpih ding hi.

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Efesa 1:15

Note in Topa Jesu na muanna thu uh le thu umte khempeuh na itna thu uh ka zak hun a kipanin,

1 KORIN MASA 16:10

Note kiangah Timoti hong pai zenzen khak leh, amah pen keimah bangin Topaʼ na a sem ahih manin nuam a sak theihtheih nadingin na bawl un.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Marka 13:34

Mi khat khualzin dingin paikhia a, a dinkhiat ding ciangin amauʼ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Mangmuhna 22:9

Ahi zongin amah in, “Kei hong bia kei in. Kei pen nang le na sanggamte le hih laibu sungah a om thu a zui mite tawh nasem khawm khat ka hi hi. Pasian bia in,” hong ci hi.

Mangmuhna 2:12

“Pergamum khua pawlpi vantungmi kiangah lai gelh inla, a langnihin a hiam mahmah namsau a nei paʼ thugen in:

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik paʼ thugen in:

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihteʼ vantung mite a cihna hi a, meivakna sagihte pen pawlpi sagihte a cihna ahi hi.

Sawltak 1:20

“Bang hang hiam cih leh Late Laibu sungah, ‘Ama teenna mun gamdai henla, tua munah kuamah teeng kei hen,’ kici a, tua banah, ‘Ama nasep midang khat in sem tahen,’ ci-in kigelh hi.

Galati 1:10

Hih bangin thu ka gen ciangin miteʼ hong pahtak theih nading a zong tawh kibang na hong sa uh hiam? Miteʼ pahtak ding a ut ka hi kei a, Pasianʼ hong pahtak ding a hanciam ka hi hi. Mihingteʼ hong pahtak theih nadingin a gamta hi zenzen leng, Khrisʼ nasem ka hi kei ding hi.

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

Efesa 6:24

Tatsat loin i Topa Jesu Khris a it tawntung mi khempeuh tungah hehpihna thupha hong tung tahen.

Filippi 2:5

Note in Jesu Khris lungsim puak zia na nei un. Tua lungsim puak zia in:

Filippi 2:19

Note kiang panin thu ka zakna hangin ka lung a nop theih nadingin note kiangah Timoti ka hong paisak baih nadingin Topa Jesu in hong huh ding hi, ci-in ka lamen hi.

Filippi 3:3

Bang hang hiam cih leh eite in Kha Siangthoʼ hong huhna tawh Pasian bia-in, Jesu Khris tawh i kipawl manin lungdamin, a tung lam a kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Filippi 3:12

Ahi zongin ka utna tung khin ing, cingtaak khinta ing, a ci ka hi kei hi. Khris Jesu in kei adingin a hong sepsak hamphatnate kimtakin ka ngah theih nadingin a hanciam lai ka hi hi.

Filemon 1:1

Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,