Filemon 1:6 - Tedim Bible Revision 2017

⁶ Thu umte ihihna hangin Khristian sungah eite i kikholh manin, Khris hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.

Tedim Bible

⁶ Upna na zopna a vanglian-in, Khazih Zeisu sungah eite’ aa ahi, ahoih na a om khempeuhte midangte in a theih nadingun thu ka ngen hi.

Filemon 1:6 Referans Kwoze

2 PETER NIHNA 1:8

Hih bang hoihnate a kicingin na neih uh leh i Topa Jesu Khris na theihna uh ah thahatin kimanna na nei ding uh hi.

Kolose 1:9

Tua bangin noteʼ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasianʼ deihna na theihtheih nadingun ka hong ngetsak uh hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Jeim 2:17

Tua ahih ciangin gamtatna in a zui lo upna guak pen a si ahi hi.

Jeim 2:14

Sanggamte aw, mi khat in, “Upna ka nei hi,” a cih hangin a sepna in a zuih kei leh bang phattuamna om ding ahi hiam? Tua a upna bek in amah hon khia ding ahi hiam?

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

1 KORIN MASA 14:25

A lungsim sung uh ah a ipcipte uh kipholak dinga, khukdinin Pasian bia-in, “Hih mite lakah Pasian om taktak hi,” ci ding uh hi.

1 PETER MASA 3:16

Khris nungzui na hihna hangun na gamtat hoihna uh hong gensia-in hong simmawh bawl a om ciangin a maizum theih nadingun na lungsim uh ah kisuanna a om het lo dingin na siangtho om un.

1 PETER MASA 3:1

Tua mah bangin zite aw, na pasalte uh Pasian thu um lo ahih khak leh na gamtatna hangun Pasian thu a up theih nadingun na pasalte uh thu na mang un. Kampau kul sese loin,

Filippi 4:8

Sanggamte aw, a tawpna ah ka hong gen nop thu in, a hoih le a phat taak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai le a pahtakhuai thute ahi hi.

1 KORIN MASA 16:9

Hong langpang tampi a om tei hangin limtakin na sep theih nading lam tampi tak a om hi.

Kolose 3:10

ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Mattiu 25:16

Tul nga a ngah pa in sum bawlna-in zang pah a, a meet tul nga mah a ngah thuah hi.