Filemon 1:20 - Tedim Bible Revision 2017

²⁰ Tua ahih manin sanggam aw, Topaʼ hangin hih ka hong thumna hong pia in. Khris sungah unau khat ihih manin ka lungsim hong nuamsak in.

Tedim Bible

²⁰ Ahi hi, ka sanggam aw, nangmah hangin Topa sungah keima lungsim tawldam ta hen; Khazih sungah ka lungsim hong thakhauh sak in.

Filemon 1:20 Referans Kwoze

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin a dang lungdamna lian zaw bangmah om lo hi.

Filemon 1:7

Sanggam aw, nangma hangin Pasianʼ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

Filemon 1:12

Keima pumpi zahin ngaihsutna tawh nang kiangah amah ka hong puakkik hi.

1 JOHAN MASA 3:17

Mi khat hau mahmah henla, a Khristian mipih a cimawhte mu napi-in huhna bangmah pia nuam het kei leh, bang hangin amah in Pasian ka it hi, ci thei ding ahi hiam?

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 1:8

Jesu Khris lungsim zah mahin note ka hong it taktakna thu Pasian in a hong thei hi.

2 KORIN NIHNA 7:13

Tua ahih manin tu-in ka lung uh nuam mahmah hi. Koteʼ lungsim hong nuamsak bek hi loin, Titus lungsim a nop theih nadingin ama tungah na gamta na hih manun ama lungdamna in zong koteʼ lungdamna hong behlap to sawnsawn hi.

2 KORIN NIHNA 2:2

Kei a hong lungdamsak ding note keʼn hong dahsak leng, kei kua in hong lungdamsak nawn ding ahi hiam?

1 KORIN MASA 16:18

note hong lungnopsak mah bangin kei zong ka lung hong nuamsak hi. Hih bang mite, limtakin na phawk ding uh ahi hi.