Filemon 1:2 - Tedim Bible Revision 2017

² le na inn ah a hong kikhawm pawlpite le i sanggamnu Apfia le thu upna ah galkap khawm pih Arkhippas te tungah lai ka hong khak uh hi.

Tedim Bible

² leh i sanggamnu Apfia leh ko tawh galkap ahi khawm Arkhippas akipan, nangma inn sungah a om pawlpite ka hong zasak uh hi.

Filemon 1:2 Referans Kwoze

Kolose 4:17

Tua ciangin Arkhippas kiangah, “Pasian adingin nasepna nang tungah hong kipia pen hoihtakin na zo in,” ci-in na gen un.

Filippi 2:25

Note in kamtai ding le keimah hong huh dingin na hong sawl uh, kei tawh na sem khawmin gal hong sim pih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

ROM (Romans) 16:5

Amauʼ inn-a kikhawm pawlpi mi khempeuh zong na hopihsak un. Asia gam sungah Khris thu a um masa pen pa ahi ka lawm it mahmah Epainetas zong na hopihsak un.

Kolose 4:15

Laodisia khua-a om i sanggamte le Nymfas le ama inn-a a kikhawm pawlpi mite na hopihsak un.

1 KORIN MASA 16:19

Asia gam a om pawlpi a tuamtuamte in note hopihna kam hong khak uh hi. Aquila le Prisilla-te in zong amauʼ inn-a kikhawm pawlpite tawh Topaʼ hangin lungsim taktak tawh hopihna kam hong khak uh hi.

ROM (Romans) 16:1

Kenkhrea khua-a om pawlpite lakah na a sem, thu upna sungah i sanggamnu Foebe pen mihoih mahmah khat ahihna thu noteʼ theih dingin ka deih hi.