Filemon 1:14 - Tedim Bible Revision 2017

¹⁴ Ahi zongin nangma nasep hoihna pen keima hong kalh hi loin nangma uttawmna tawh na sep a suah theih nadingin nangma lungkimna om masa lopi-in bangmah ka hih nuam kei hi.

Tedim Bible

¹⁴ thupha na hong bawl ciangin, zawhthawh thu bang hi loin, na ut thu-a na bawl ahih nading ka deih a, sawlzawh thu tawh ka hong hih nuam kei hi.

Filemon 1:14 Referans Kwoze

2 KORIN NIHNA 9:7

Pasian in piak nopna lungsim tawh a pia mite bek deih ahih manin, a kuamah peuh in na lungsim sung uh ah na ngaihsut sa zah ciat uh na pia unla, pia nuam lo pipi le sawl zawh thu bek tawh na pia kei un.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

2 KORIN NIHNA 9:5

Tua ahih manin piak dingin na kamciam sa uh huhna sumte a baih sa-in a om theih nadingin hih ka sanggamte a hong mapai ding kisam ka sa hi. Tua hileh kei ka hong tun ciangin a baih sa-in na om dinga, note in piak loh phamawh cihna lungsim tawh hi loin utna lungsim tawh a pia na hihna uh hong kilang ding hi.

2 KORIN NIHNA 8:12

Piak nopna lungsim na neih nak uh leh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

2 KORIN NIHNA 1:24

Hih bangin um un, ci-in thatang hat thu tawh a hong gen ding ka hi kei uh hi. Note na upna uh ah kip khin na hih manun noteʼ lungdam nadingin note tawh na a sem khawm ka hi uh hi.

1 KORIN MASA 9:17

Keima utthu tawh a sem hi leng sep thaman ka lamen ding hi. Ahi zongin Pasian in a sem dingin hong sawl ahih manin ka sep ding nasep a sem ka hi hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

1 KORIN MASA 9:7

Kuamah in ama sum bei-in galkap na sem lo uh hi. Leenggui suan napi-in a leenggah a ne lo kuamah om lo hi. Tuu cing napi-in a tuunawi a ne lo kuamah om lo hi.