Ezra 9:5 - Tedim Bible Revision 2017

⁵ Tua hi a, nitak biakpiak hun ciangin khua phawkkikin ka puan kekpi mah silh kawmin khukdinin Topa Pasianʼ lamah ka khut zakin,

Tedim Bible

⁵ Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

Ezra 9:5 Referans Kwoze

1 KUMPI MASATE 8:54

Tu-in Solomon in hih thungetna le thumnate khempeuh Topaʼ tungah a bawl khit ciangin, vantung lamah a khutte a zan sa-in a khukdinna mun Topaʼ biakna tau mai panin amah ding to hi.

1 KUMPI MASATE 8:38

mi khatpeuh ahi a, na mi Israel-te khempeuh in ahi zongin amauʼ lungsim natna thei-in hih biakinn lamah a khutte hong zanin bangbang thungetna hitaleh bangbang thumna hitaleh hong bawl uh leh,

1 KUMPI MASATE 8:22

Tua ciangin Israel a kikhawmte khempeuh a omna Topaʼ mai ah Solomon dinga, vantung lamah a khutte zak hi.

Paikhiatna 9:33

Tua ahih ciangin Faroʼ kiang pan khuapi pua lamah Moses paikhia a, Topaʼ lamah a khut zanin thu a ngen hi. Van ging le gialpi tawp pah a, leitungah guah bua nawn lo hi.

Paikhiatna 9:29

Moses in ama kiangah, “Khuapi panin ka paikhiat khit phetin Topaʼ lamah ka khut ka zan ding hi. Leitung pen Topa aʼ hi, ci-in na theih nadingin vanging tawpin gialpi om nawn lo ding hi.

Efesa 3:14

Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

Late 143:6

Thu ngenin nang lamah ka khutte ka hong zan a, lei keu in tui a duh bangin nang ka hong duh hi.

Late 141:2

Ka thungetna pen na mai ah paknamtui bangsak inla, ka khutte ka lap tohna pen nitak biakpiakna bangsak in.

Late 95:6

Hong pai un, amah bia-in kun ni. Eite hong Bawl Topaʼ mai ah khukdin ni.

2 KHANG TANGTHU NIHNATE 6:13

Solomon in a dung pi sagih le alang, a vai pi sagih le alang, a sang pi li le alang a pha sumngo tau khat bawlin inntual ah a koih khin hi. Tua ciangin tua tungah amah ding hi. Tua ciangin Israel a kikhawmte khempeuhʼ muhin amah khukdinin van lamah a khut zan hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Luka 22:41

Tua ciangin amaute kiang panin suanglot khat tan bang pai lai a, khukdinin thu ngen a,

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Daniel 10:2

Tua hun laitakin keimah Daniel, nipikal thum sung khakunin dahin ka om hi.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.