Ezra 9:3 - Tedim Bible Revision 2017

³ Hih thu ka zak ciangin dah mahmah in ka puante bal kekin, ka sam le ka khamul botin, cih nading thei loin ka om hi.

Tedim Bible

³ Hih thu ka zak ciangin dah mahmahin ka puante balkekin, ka sam leh ka khamul botin, cih nading thei loin ka om hi.

Ezra 9:3 Referans Kwoze

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Joshua 7:6

Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

Micah 1:16

Judah mite aw, na it mahmah na tate uh, sal a suak dingin hong kilaksak ding ahih manin, amauteʼ hangin na dahna limun na sam uh met unla, musane bangin na lu uh tolsak un.

Daniel 8:27

Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Ezekiel 7:18

Amaute in dahna limin puanhampi silh ding uh a, pumlin gawp ding uh hi. A sam uh kimettolsak dinga, a mindai ding uh hi.

Ezekiel 3:15

Tua ahih manin ka mipih salteʼ omna, Khebar Gun gei-a a om Telabib munah ka va tung a, ka muh sa thute ngaihsunin tua lai-a amaute lakah ni sagih sung ka om hi.

Jeremiah 36:24

Ahih hangin kumpipa ahi a, hih thute a za khin a nasemte khat beek ahi zongin lau tuan loin, kisikkik lo uh ahih manin a puan uh a bal kek kei uh hi.

Jeremiah 7:29

“Jerusalem mite aw, na lu uh mettol un. Na sam uh paai mang unla, mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khinzo hi.

Isaiah 15:2

A sangna munte ah a kap dingin Dibon khua mite pai to uh hi. Nebo le Medeba khuateʼ hangin Moab mite nakpi takin kap uh hi. Dahna limin lu khempeuh kimettol a, khamul khempeuh zong kimetmai hi.

Late 143:4

Tua ahih ciangin cih nading ka thei nawn kei a, ka lungtang ah si teng nawn lo hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

JOB (Job) 1:20

Hih thu a zak ciangin Job dah lua-in a puan bal kek a, a sam met khia-in leilak ah bok sukin Pasian a bia hi.

Nehemiah 13:25

Amaute tai gawpin ka samsia a, pawl khat satin a sam uh ka bawhsak gawp hi. Tua ciangin Pasianʼ min tawh amaute ka kiciamsak a, “Note in amauʼ tapateʼ zi dingin na tanute uh na pia kei ding uh a, na tapate uh zi ding ahi a, nomauʼ zi dingin ahi zongin amauteʼ tanu na la kei ding uh hi.

2 KUMPI NIHNATE 18:37

Tua ciangin inn sung a uk, Hilkiahʼ tapa Eliakim, lai-at pa Shebnah le thuciamteh pa, Asafʼ tapa Joah-te a puan uh bal kek sa-in Hezekiah kiangah hong pai uh a, a ulian paʼ kammalte ama kiangah a gen uh hi.

Siampi Laibu 21:5

“Amaute in a lu uh mettol loin, amauʼ khamul nawlhui zong kiat loin, a ci tung uh liamsak lo ding uh hi.

2 SAMUEL NIHNA 1:11

Tua ciangin David in ama puante lenin bal kek a, amah tawh a om mite khempeuh in zong tua bangmahin a hih uh hi.

Late 119:53

Nangma thu a nusia migiloteʼ hangin ka heh a suak hi.