Ezra 4:4 - Tedim Bible Revision 2017

⁴ Tua ciangin tua gam a teeng midangte in Judah mite lungkiasakin biakinn a lam zom lai ding uh a lausak uh hi.

Tedim Bible

⁴ Tua ciangin tua gam a, midang teengte in Judah mite lungkia sakin inn a lam lai ding uh lausak uh hi;

Ezra 4:4 Referans Kwoze

Ezra 3:3

Amaute in tua gam a midang a teengte kihta uh ahih manin a mun lui mahah biakna tau phut pahin zing le nitak simin Topaʼ tungah meihal biakna a pia uh hi.

Jeremiah 38:4

Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw uh hi.

Nehemiah 4:11

Tua ciangin ka galte un, “Amauʼ phawk loh kalun amaute lakah pai-in i that dinga, a nasep uh i beisak ding hi,” hong ci uh hi.

2 SAMUEL NIHNA 4:1

Saulʼ tapa Ishbosheth in Hebron ah Abner a sihna thu a zak ciangin a tha kiam a, Israel-te khempeuh lungkia hi.

Ezra 4:5

Amauʼ ngimna a tangtun theih loh nadingin amaute in a langpang dingin zum nasemte golhguk pia uh hi. Persia kumpipa Sairasʼ hun a kipan kumpi Darias hun dong hih bangin hih ngitnget uh hi.

Nehemiah 4:2

Amah in a kikholhpihte le Samaria galkapteʼ kiangah, “Hih Jew mi niangnuangte in bang hih ding a kipan ahi uh hiam? Hih mun a bawl pha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kaang tum sa ninbu lomtang panin suangtum bawlkik thei ding ahi uh hiam?” ci hi.

Daniel 10:13

Persia gam a cing vantungmi in ni sawm nih le khat sung kei a hong nial hi. Tua ciangin kei a hong huh dingin vantungmi thupite khat ahi Mikhael a hong pai hi. Bang hang hiam cih leh Persia gam sungah keimah guak bek ka om hi.

Daniel 10:20

Amah in, “Bang hangin na kiangah hong pai ka hi hiam, cih na thei hiam? Thuman Laibu sungah a kigelh thute a lak dingin a hong pai ka hi hi. Tu-in ciahkikin, Persia gam a cing vantungmi tawh ka kido ding hi. Tua khit ciangin Grik gam a cing vantungmi a hong kilang ding hi. Mikhael longal kei a hong huh ding kuamah a om kei hi.