Ezra 3:2 - Tedim Bible Revision 2017

² Tua ciangin Jozadakʼ tapa Jeshua le a siampipihte le Shealtielʼ tapa Zerubbabel le a behte hong kipan uh a, Pasianʼ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Tedim Bible

² Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Ezra 3:2 Referans Kwoze

Luka 3:27

Jodaʼ pa Joanan, Joananʼ pa Resa, Resaʼ pa Zerubbabel, Zerubbabelʼ pa Shealtiel, Shealtielʼ pa Neri,

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah-te makai-in tua mite a ciahpih uh hi. Israel mi phazahte:

1 KHANG TANGTHU MASATE 3:17

Babylon ah sal a suak Jehoiakhinʼ tapate: A tapa Shealtiel,

Zekhariah 6:11

Amauteʼ hong piak ngun le khamte zangin kumpi lukhu khat bawl inla, Jehozadakʼ tapa, siampi lianpen a sem Joshua khusak in.

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Zekhariah 3:1

Topa in maang hong musak a, Topaʼ vantungmi mai ah siampi lianpen pa Joshuaʼ mawhna a zong dingin a kiangah Satan zong a om ka mu hi.

Haggai 2:23

Ka nasem Zerubbabel aw, tua ni ciangin nang hong la-in ka miteʼ kumpi dingin kong bawl ding hi. Bang hang hiam cih leh nang pen ka hong teelpa na hi hi, Vanglian Topa in ci hi, ci-in gen in,” a ci hi.

Haggai 2:21

“Vanpi le leipi a lok gawp ding ka hihna thu, Judah gam ukpa Zerubbabel kiangah gen in.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua le salsuahna panin a hong ciahkik mi khempeuhʼ sungah biakinn lam nopna lungsim a guan hi. Vanglian Topa, amauʼ Pasianʼ biakinn a lam dingin hong kithawi uh a,

Haggai 1:12

Tua ciangin Sheatielʼ tapa Zerubbabel, Jehozadakʼ tapa Joshua ahi siampi lianpen pa le salsuahna panin hong ciahkik mi khempeuh in Topa ahi amauʼ Pasianʼ thu mang uh a, Topa Pasianʼ kamtai ahi kamsang Haggaiʼ gen bangin gamta-in, Topa zahtakin a lau uh hi.

Late 78:68

Ahih hangin ama it Zion Mual, Judah minam a teel hi.

Nehemiah 12:8

Jeshua, Binnui, Kadmiel, Sherebiah, Judah le Mattaniah hi a, Mattaniah in a sanggamte tawh lungdamkohna late a uk hi.

Nehemiah 12:1

Shealtielʼ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

1 KHANG TANGTHU MASATE 3:19

Pedaiahʼ tapate: Zerubbabel le Shimei ahi uh hi. Zerubbabelʼ tapate: Meshullam le Hananiah hi a, Shelomith kici tanu khat zong nei hi.

Paikhiatna 27:1

“Biakna tau ding singkha sing tawh bawl in. Pi sagih le alang sau-in pi sagih le alang mah na zaisak ding hi. Biakna tau a ning kikim dinga, a tun pi li le alang hi ding hi.

Ezra 3:8

Amaute, Jerusalem khua-a Pasianʼ biakinn ah a hong ciahkik uh a kum nihna, tua kum a kha nihna sungin Shealtielʼ tapa Zerubbabel le Jozadakʼ tapa Jeshua, nasep kipan uh a, a Israel mipihte, siampite, Levi mite le salsuahna panin Jerusalem ah a hong ciahkik mite khempeuh in zong a huh uh hi. Amaute in Levi mite kum sawm nih panin a tungsiah peuhmah Topaʼ biakinn sungah biakna nasepte a vaan dingin a seh uh hi.

Ezra 5:2

Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.

Piancilna 12:7

Tua ciangin Abramʼ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa adingin biakna tau khat a bawl hi.

Gamlak-vakna 28:2

“Israel mite thu pia-in amaute tungah, ‘Keimah hong kibiakna mei tawh a kihal an, a gim namtui keima-aʼ pen a hunin kei tungah nong piak ding uh phawk un,’ ci-in gen in.

Thukhente 6:24

Tua ciangin Gideon in Topa adingin biakna tau khat tua lai ah lamin tua pen, “Topa in nopna ahi hi”, ci-in min a phuak hi. Tua pen, Abiezer miteʼ neihsa Ofrah khua ah tu ni dongin a ding lai hi.

1 KHANG TANGTHU MASATE 23:14

Ahih hangin Pasianʼ mipa Mosesʼ tapate ahihleh Levi minamte lakah kisim hi.

Ezra 10:18

Siampite beh lak panin Jozadakʼ tapa Jeshua le a sanggamte beh sung panin Maaseiah, Eliezer, Jarib le Gedaliah-te in gamdang numei a tenpihna kimu hi.

Ezra 10:20

Immer-te beh sung panin Hanani le Zebadiah ahi uh hi.

Ezra 10:21

Harim-te beh sung panin Maaseiah, Elijah, Shemaiah, Jehiel le Uzziah ahi uh hi.

Ezra 10:22

Pashhur-te beh sung panin Elioenai, Maaseiah, Ishmael, Nethanel, Jozabad le Elasah ahi uh hi.