Ezra 2:2 - Tedim Bible Revision 2017

² Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah-te makai-in tua mite a ciahpih uh hi. Israel mi phazahte:

Tedim Bible

² Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Ezra 2:2 Referans Kwoze

Haggai 2:4

Tu-in note kuamah lungkia kei un. Note tawh hong om khawm ka hih manin nasep kipan un.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua le salsuahna panin a hong ciahkik mi khempeuhʼ sungah biakinn lam nopna lungsim a guan hi. Vanglian Topa, amauʼ Pasianʼ biakinn a lam dingin hong kithawi uh a,

Haggai 1:12

Tua ciangin Sheatielʼ tapa Zerubbabel, Jehozadakʼ tapa Joshua ahi siampi lianpen pa le salsuahna panin hong ciahkik mi khempeuh in Topa ahi amauʼ Pasianʼ thu mang uh a, Topa Pasianʼ kamtai ahi kamsang Haggaiʼ gen bangin gamta-in, Topa zahtakin a lau uh hi.

Zekhariah 3:3

Joshua ahihleh vantungmi mai ah dinga, puan a nin mahmah a silh hi.

Zekhariah 3:1

Topa in maang hong musak a, Topaʼ vantungmi mai ah siampi lianpen pa Joshuaʼ mawhna a zong dingin a kiangah Satan zong a om ka mu hi.

Haggai 2:21

“Vanpi le leipi a lok gawp ding ka hihna thu, Judah gam ukpa Zerubbabel kiangah gen in.

Haggai 2:2

Judah gam ukpa Zerubbabel, siampi lianpen pa Joshua le mi khempeuh tungah thu a gen dingin sawl a,

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Ezra 5:2

Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.

Ezra 4:8

Menzipipa Rehum le lai-at pa Shimshai in Kumpi Artakzaksis tungah Jerusalem tawh kisai thu a nuai-a bangin gelh uh hi.

Ezra 4:3

Ahih hangin Zerubbabel le Israel sunga innkuan lutang a omlaite in amaute kiangah, “Koteʼ Pasian adingin ka lam uh biakinn pen noteʼ hong lunghihmawh pih ding hi lo hi. Persia kumpipa Sairas in kote hong thupiak sa bangin Israel Pasian, Topa adingin ko teng guak mah in ka lam ding uh hi,” a ci uh hi.

Ezra 1:11

Kham le ngun kibawl umlebeelte khempeuh a vekpi-in tul nga za li sawm guk kua pha hi. Tua hi a, Babylon panin salte a kiciahpihkik ciangin Sheshbazzar in tua nate khempeuh Jerusalem ah a ciahpih hi.

Ezra 2:1

Babylon kumpi Nebukhadnezzar in a zawhna gam panin Babylon ah salin a lakte sung panin hih mite Jerusalem le Judah ah a ciahkikte hi a, amauʼ khua ciatah a ciah uh ahi hi.

Ezra 2:3

Parosh suante - tul nih za khat sawm sagih le nih ahi hi.

Ezra 3:2

Tua ciangin Jozadakʼ tapa Jeshua le a siampipihte le Shealtielʼ tapa Zerubbabel le a behte hong kipan uh a, Pasianʼ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 1:8

Persia kumpi Sairas in hihte pusuah in sumkem pa Mithredathʼ khut sungah ap hi. Tua pa in Judah ukpa Sheshbazzar adingin a malzah simin sazian bawlsak hi.

Ezra 8:1

Kumpi Artakzaksisʼ uk hun sungin Babylon panin kei tawh hong ciah to khawm a behbehin a kiciamteh beh lutangte hih bang ahi hi:

Nehemiah 10:15

Bunni, Azgad, Bebai,

Nehemiah 12:47

Zerubbabel le Nehemiahʼ hun lai-in Israel mite khempeuh in lasate le kongcingte adingin a nisim tanh uh pia uh a, amaute in Levi mite ading tuam koih uh hi. Tua ciangin Levi mite in Aaron suante adingin tuam koih sawn leuleu uh hi.