Ezra 2:1 - Tedim Bible Revision 2017

¹ Babylon kumpi Nebukhadnezzar in a zawhna gam panin Babylon ah salin a lakte sung panin hih mite Jerusalem le Judah ah a ciahkikte hi a, amauʼ khua ciatah a ciah uh ahi hi.

Tedim Bible

¹ Babilon kumpipa Nebukhadnezzar in a zawhna gam panin Babilon ah sal-in a lakte sung panin hih mite Jerusalem leh Judah ah a ciahkikte hi a, amau’ khua ciatah a ciah uh hi.

Ezra 2:1 Referans Kwoze

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a om lai mite le Babylon kumpipa a taisan mite, mihonpi a om lai teng khempeuh salin paipih khawm hi.

Sawltak 23:34

Menzipa in tua laikhak sim a, koi lai gam mi na hi hiam, ci-in Paul a dong hi. Amah in Sisaria gam mi ahih lam a theih ciangin,

Zefaniah 2:7

Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.

Kah la 4:22

Jerusalem in a mawhna thaman a sang khinzo ta ahi hi. Ka thuak ding uh a nasia penpen teng ka thuak khinzo ta uh hi. Ahi zongin Edom aw, Topa in nang gim hong pia dinga, na mawhna khempeuh a hong pholak ding hi.

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. A mite khempeuh sila dingin a kipua khia hi.

Kah la 1:3

Judah mite, a huh ding a nei lo silate bangin a inn panun kihawl khia hi. Amaute gam dangah teeng uh a, amauʼ gam ding a om kei hi. Galte in umcih uh a, a suahtak theih nading uh lampi a om kei hi.

Esther 8:9

Tua ahih ciangin a kha thumna ahi Sivan kha a ni sawm le thum ni-in kumpipaʼ lai-atte kisam a, Mordekaiʼ gen bang teekteekin Jew mite tung le India panin Ethiopia dong gam za khat le sawm nih le sagih a uk ahi gam tampi a ukte, gam khat a ukte le tua gam sunga uliante tungah lai kihawmkik a, amauʼ lai ciat le amauʼ pau ciatin kigelh a, Jew mite ading zong amauʼ lai le amauʼ pau mahin kigelh hi.

Esther 1:8

Tua lai ah zunekna zia pen kihah piak cih om lo hi; bang hang hiam cih leh mi khempeuh in amauʼ duh zahzah bek a neksakna ding uh kumpipa in a nuai-a a uliante thu pia hi.

Esther 1:3

Ama uk a kum thumna kumin ama nuai-a a uliante khempeuh le a nasemte adingin pawi khat bawlsak hi. Ama khutnuai-a om Persia le Media galkap maangte le ama nuai-a uliante le ama nuai ah gam a uksawnte a om laitakin,

Esther 1:1

Hih lai-a kigelh thupiangte pen India gam panin Ethiopia gam dong, gamneu za khat sawm nih le sagih a uk Ahasuerasʼ hun lai-a piang thu ahi hi.

Ezra 6:2

Ahi zongin Babylon khua sungah na om lo a, Media gam sung kumpi khuapi Ekbatana ah laizial khat kimu a, tua sungah hih a nuai-a bangin a kiciamteh kimu hi:

Ezra 5:8

“Judah gam, a lian Pasianʼ biakinn ah ka va paina uh kong theisak uh hi. Tua biakinn pen suang lianpipite tawh kilamin a kawmte sing tawh kibawl hi. Hih biakinn limtakin kisemin amauʼ makaihna tawh a nasep uh telh mahmah hi.

Ezra 1:11

Kham le ngun kibawl umlebeelte khempeuh a vekpi-in tul nga za li sawm guk kua pha hi. Tua hi a, Babylon panin salte a kiciahpihkik ciangin Sheshbazzar in tua nate khempeuh Jerusalem ah a ciahpih hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah-te makai-in tua mite a ciahpih uh hi. Israel mi phazahte:

Ezra 8:35

Tua ciangin salsuahna panin inn hong zuankik mite in Israel-te khempeuh adingin Israel Pasian tungah meihal biakna-in bawngtal sawm le nih, tuutal sawm kua le guk, tuuno sawm sagih le nih le mawhna hanga biakna-in keeltal sawm le nih a pia uh hi. Hihte khempeuh pen Topaʼ tungah meihal biakna ahi hi.

Nehemiah 12:1

Shealtielʼ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

1 KHANG TANGTHU MASATE 9:1

Israel mi khempeuh khangsimna ah kiciamteh a, Israel Kumpiteʼ Laibu sungah tuate kigelh hi. Amau thuman lohna hangin gimpiakna-in Babylon ah salin Judah mite kipaipih hi.

1 KHANG TANGTHU MASATE 9:2

Tu-in amauʼ neihsa amauʼ khuapite sungah a tengkik masate pen Israel nautangte, siampite, Levi mite le biakinn nasemte ahi uh hi.

Ezra 2:70

Siampite, Levi mite le mi pawl khatte Jerusalem le a kiim nai ah teeng uh hi. Lasate, kongcingte, biakinn nasemte le Israel mi khempeuh amauʼ khuapi ciatah a teeng uh hi.

Isaiah 48:20

Babylon panin pai khia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob hon khia khinzo!” ci-in gen kawikawi in.

Jeremiah 50:19

Israel mite a omnasa mun mahah ka omsakkik dinga, Karmel le Bashan mual, Efraim mual le Gilead mualah a piang ante lungkim takin a ne ding uh hi.