Ezra 10:3 - Tedim Bible Revision 2017

³ Tua ahih ciangin tu-in, ka topa uh nangma ngaihsutna le i Pasianʼ thupiakna a kihta miteʼ ngaihsutna bangin hih i zite le a tate uh i makna ding thu i Pasianʼ tungah kiciam ni. Tua ciangin thukham sunga om bangin gamta ni.

Tedim Bible

³ Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Ezra 10:3 Referans Kwoze

Ezra 9:4

Tua ciangin sal a suak hih miteʼ cihtak lohna hangin Israel Pasianʼ gim piak ding lau-in a liing mite khempeuh kei kiangah hong kikhawm uh a, nitak biakpiak hun dong cih nading thei loin ka om hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Late 119:59

Ka gamtatnate ka ngaihsun a, na ngeinate zuih ding ka kiciam hi.

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh le ka siampite un zong tua lai tungah a min uh a gelh uh hi.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima ading le Israel le Judah ah a om lai mite adingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topaʼ kammal na zui lo uh ahih manin eite tungah Topaʼ hehna lian hi,” a ci hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Nehemiah 8:14

Tua ciangin, a kha sagihna pawi hun sungin sawlbuk sungah Israel mite a om nading thu le amaute in a khuapi khempeuh uh le Jerusalem ah taangko-in, “A kigen sa bangin sawlbuk lam nadingin gamlak ah pai unla oliv hiangte, gamlak oliv hiangte, mui sing hiangte le a teh tam singhiang dangte va sat un,” ci-in a gen ding uh, Moses tungtawnin Topa in a thupiakna pen thukham sungah a kigelh lam a mu uh hi.

Ezra 10:44

Hih mite khempeuh in gamdang numei teenpih uh a, amaute in a zite uh a tate uh tawh a ma khawm uh hi.

2 KHANG TANGTHU NIHNATE 34:27

hih mun le a tunga teengte langpanna ama kammal na zak ciangin na lungsim kisikin Pasianʼ mai ah na kiniamkhiat a, keima mai ah nang kiniamkhiatin na puante bal kekin ka mai ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsimah om hi.

2 KUMPI NIHNATE 11:17

Tua ciangin Jehoiada in amaute Topaʼ mi ahih nading uh Topa le kumpipa le mite kikalah thuciamna khat bawl a, kumpipa le mite kikalah zong a bawl hi.

Joshua 9:6

Amaute Gilgal-a giahphual a Joshua kiangah hong pai-in amah le Israel mite tungah, “A gamlapi panin kong pai uh hi. Tua ahih ciangin kote tawh thuciamna khat hong bawl un,” a ci uh hi.

Ezra 10:9

Tua ahih ciangin Judah le Benjamin mi khempeuh ni thum sungin Jerusalem ah hong kikhawm uh a, tua pen a kha kuana a ni sawm nih ni ahi hi. Tua hi a, Pasianʼ biakinn mai inntual ah hih thu hangin mi khempeuh patau-in guah lakah liingin a tu uh hi.

Ezra 10:11

Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

Nehemiah 10:1

Tua lai tungah a min a gelh masa mite a masa pen Hilkiahʼ tapa, gam ukpa Nehemiah hi a, tua ciangin Zedekiah in zom hi. Tua ciangin