Ezra 10:11 - Tedim Bible Revision 2017

¹¹ Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

Tedim Bible

¹¹ Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Ezra 10:11 Referans Kwoze

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Ezra 10:3

Tua ahih ciangin tu-in, ka topa uh nangma ngaihsutna le i Pasianʼ thupiakna a kihta miteʼ ngaihsutna bangin hih i zite le a tate uh i makna ding thu i Pasianʼ tungah kiciam ni. Tua ciangin thukham sunga om bangin gamta ni.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak inla, amah phat in. Tu-in na gamtatna sate kei tungah hong gen inla, bangmah hong im kei in,” a ci hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

2 KORIN NIHNA 6:17

Tua ahih manin Vanglian Topa keimah in kong genin ah: Amaute tawh kikhenin amaute kiang panin paikhia unla, a siang lo peuhmah su kha kei un. Tua hileh note ka hong ngai ding hi.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Isaiah 56:4

Bang hang hiam cih leh Topa in hih bangin ci hi: “Keima Sabbath nite tangin, kei hong lungdamsak thei nate teel a, ka thuciamna a lenkip a kiget mite tungah

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

Nehemiah 13:3

Mite in hih thukham a zak uh ciangin Israel mite lak panin gamdang suan peuhmah khen khia uh hi.

Ezra 9:1

Hih thute khempeuh a kisep khit ciangin keima kiangah makaite pawl khat hong pai-in, “Hih gam a teeng gamdang miteʼ nitna le Kanaan mite, Hit mite, Perez mite, Jebus mite, Ammon mite, Moab mite, Egypt mite le Amorʼ miteʼ gamtat a kihhuaite panin Israel mi, siampite le Levi mite nangawn zong, a siangtho-in tuam om lo uh hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Johan 9:24

Tua ciangin a mittaw ngei pa mah samkik leuleu uh a, “Pasianʼ mai ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

2 KHANG TANGTHU NIHNATE 30:22

Tua ciangin Hezekiah in Topaʼ nasepna ah a siamna hoih uh a lak Levi mite khempeuh tungah hanthotna thu a gen hi. Tua ahih ciangin mite in pawi an ni sagih sung ne uh a, thunuam a biakna pia-in a pu a pate uh Pasian, Topa tungah lungdamna a ko uh hi.

Ezra 10:10

Tua ciangin siampi Ezra ding to-in amaute kiangah, “Note in gamdang numeite zi-in la-in Israel miteʼ mawhna na behlap uh hi.

Ezra 10:12

Tua ciangin a kikhawm mi khempeuh in dawngin kiko uh a, “Hi tahen, na gen bangin ka gamta ding uh hi.

Nehemiah 9:2

Tua hi a, gamdang mi khempeuh panin Israel mite tuam om uh a, amaute in din sa-in amauʼ khialhnate le a pu a pate uh mawhnate a pulak uh hi.

Jeremiah 7:3

Vanglian Topa, Israel miteʼ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatna sa bang ciat un thu kong khen ding hi. Kisikkikin na gamtat siatna khempeuh panun khawl unla, na mawhna hangun kisisak kei un.