Ezra 10:1 - Tedim Bible Revision 2017

¹ Ezra in tu-a bangin thu ngenin mawhna pulakin khitui naptui tawh Pasianʼ biakinn mai ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpi takin a kap uh hi.

Tedim Bible

¹ Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

Ezra 10:1 Referans Kwoze

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Late 119:136

Mite in nangma thu zui lo uh ahih manin ka khitui hawk luanin a luang hi.

ROM (Romans) 9:2

Leitung si le sa ah ka mipihte adingin nakpi takin dahin ka lunggimna a khang hi.

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

Luka 19:41

Jerusalem khua hong nai semsem a, a khuapi a muh ciangin Jesu in tamlawh a,

Nehemiah 8:9

Tua ciangin a gam ukpa Nehemiah, lai thei pa lah hi-in siampi lah ahi Ezra le mite a hilh Levi mite in amaute khempeuh kiangah, “Tu ni pen Topa noteʼ Pasian adingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

Nehemiah 10:28

A om lai Israel mite, siampite, Levi mite, kongcingte, lasate, biakinn nasemte, a zite a tapate le a tanute, thu tel theihna a nei, Pasianʼ thukham hangin gamdang mite panin a tuam om mi khempeuh in

2 KHANG TANGTHU NIHNATE 20:9

‘Eite tungah siatna, namsau, thukhenna, ahih kei leh natna, ahih kei leh kialpi hong tun leh, hih biakinn sungah ama min om ahih manin hih biakinn mai ah dingin i gimna hunah ama tungah i kiko dinga, amah in hong za-in hong hon ding hi,’ ci uh hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topaʼ tungah ka pulak ding hi,” ka ci hi. Tua ciangin ka mawhna nin nong maisak hi.

1 KUMPI MASATE 9:3

Topa in ama kiangah, “Keima mai ah na hih sa na thungetna le na thumnate ka za khin hi. Na lam sa hih biakinn ka ap khin hi. A tawntungin tua biakinn sungah kei hong kibia dinga, a tawntungin tua biakinn ka hu ding hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

2 KHANG TANGTHU NIHNATE 20:13

Tua laitakin Topaʼ mai ah Judah mi khempeuh a taneute, a zite le a naupangte uh tawh a ding uh hi.

Thu-hilhkikna 31:12

Jordan gal khat ah a luah dingin na paina uh gamah na nuntak lai tengun amaute in a thu za-in Topa na Pasian uh zahtak ding a theih nading le hih thukham thute khempeuh limtakin a sep theih nading le hih thu a thei nai lo amauʼ tate in Topa na Pasian uh zahtak ding a theih nadingun, numei, pasal le naupangte le na khuapite uh sunga om peemtate, mi khempeuh khawm un,” a ci hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Ezra 10:6

Tua ciangin Pasianʼ biakinn panin Ezra pai khia-in Eliashibʼ tapa Jehohananʼ omna inn dei ah pai-in tua lai ah a giak hi. Salsuahna pan a hong ciahkik miteʼ khialhna hangin dah ahih manin amah in anletui ne zo lo hi.

Nehemiah 1:4

Hih thu ka zak ciangin tu sukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 1:6

Israel mi ahi na nasemteʼ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Joshua 7:6

Tua ciangin Joshua in dahna limin ama puante bal kekin nitak mateng Topaʼ Thuciamna Singkuang mai ah, amah le Israel upate bok suk uh a, amaute in a lu tung uh ah leivui a koih uh hi.

Joshua 8:35

Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.