Ezra 1:8 - Tedim Bible Revision 2017

⁸ Persia kumpi Sairas in hihte pusuah in sumkem pa Mithredathʼ khut sungah ap hi. Tua pa in Judah ukpa Sheshbazzar adingin a malzah simin sazian bawlsak hi.

Tedim Bible

⁸ Persia kumpipa Sairas in hihte pusuahin sumkempa Mithredath’ khut sungah ap hi; tuapa in Judah ukpa Sheshbazzar’ adingin a mal zah simin sazian bawlsak hi.

Ezra 1:8 Referans Kwoze

Ezra 5:14

Tua tham loin Jerusalem-a biakinn sung panin Nebukhadnezzar in la-in Babylon biakinn sunga a koih ahi Pasianʼ biakinn sunga om ngeisa kham le ngun kibawl umlebeelte zong kumpi Sairas in Babylon biakinn panin la khia-in gam ukin a hong koih Sheshbazzar min nei pa tungah ap hi.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua le salsuahna panin a hong ciahkik mi khempeuhʼ sungah biakinn lam nopna lungsim a guan hi. Vanglian Topa, amauʼ Pasianʼ biakinn a lam dingin hong kithawi uh a,

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Ezra 5:16

Tua ciangin Sheshbazzar hong pai-in Jerusalem-a Pasianʼ biakinn a bulpi hong phut hi. Tua hun a kipanin tu dong lamkik kisem suak a, ahi zongin kizo nai lo hi,’ ci uh hi.

Ezra 1:11

Kham le ngun kibawl umlebeelte khempeuh a vekpi-in tul nga za li sawm guk kua pha hi. Tua hi a, Babylon panin salte a kiciahpihkik ciangin Sheshbazzar in tua nate khempeuh Jerusalem ah a ciahpih hi.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah-te makai-in tua mite a ciahpih uh hi. Israel mi phazahte:

Ezra 5:2

Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.