Ezra 1:7 - Tedim Bible Revision 2017

⁷ Tua tham loin, Nebukhadnezzar in Jerusalem panin pua khia-in ama pasian-teʼ biakinn sungah a koih sa ahi Topaʼ biakinn-a omngei umlebeelte zong kumpipa Sairas in pusuah hi.

Tedim Bible

⁷ Tua tham loin, Nebukhadnezzar in Jerusalem panin puakhia-in ama pasiante’ inn sungah a koihsa ahi Topa’ inn-a om ngei um-le-beelte zong kumpipa Sairas in pusuah hi.

Ezra 1:7 Referans Kwoze

2 KHANG TANGTHU NIHNATE 36:7

Nebukhadnezzar in Topaʼ biakinn-a umlebeel pawl khatte zong Babylon ah pua-in Babylon-a a kumpi inn ah tuate a koih hi.

Ezra 6:5

Nebukhadnezzar in Jerusalem biakinn panin la khia-in Babylon ah a hong tunpih Pasianʼ biakinn sunga om kham le ngun tawh kibawl umlebeelte zong kipiakik ding hi. Tuate khempeuh Jerusalem biakinn ah kipuakik dinga, Pasianʼ biakinn sunga a omna munmun ciatah kikoihkik ding hi,” ci-in kigelh hi.

Ezra 5:14

Tua tham loin Jerusalem-a biakinn sung panin Nebukhadnezzar in la-in Babylon biakinn sunga a koih ahi Pasianʼ biakinn sunga om ngeisa kham le ngun kibawl umlebeelte zong kumpi Sairas in Babylon biakinn panin la khia-in gam ukin a hong koih Sheshbazzar min nei pa tungah ap hi.

2 KHANG TANGTHU NIHNATE 36:10

Tua kum khuakhal sungin Kumpi Nebukhadnezzar in mi sawlin Topaʼ biakinn-a umlebeel manphate tawh amah Babylon ah lasak a, Judah le Jerusalem tungah Jehoiakhinʼ sanggampa Zedekiah kumpi-in a koih hi.

Daniel 5:23

Vantung Topaʼ langah na pang hi. A biakinnpi hai le kuangte la-in sabuai tungah nangmah tawh, na mi liante tawh a zineute le na zite uh tawh zu nekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing le suang tawh a kibawl pasian-teʼ min na phat uh hi. Na nuntakna le na hihna khempeuh a hong uk Pasian na zahtak kei hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn ah paipih a, na manpha a matte sumkoihna inn ah a koih hi.

2 KHANG TANGTHU NIHNATE 36:18

Tua ciangin Topaʼ biakinn-a umlebeel khempeuh a lian a neu le Topaʼ biakinn-a van manphate le kumpipa le a ulianteʼ van manphate khempeuh amah in Babylon ah paipih hi.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.