Ezra 1:6 - Tedim Bible Revision 2017

⁶ Tua ciangin a veeng a pamte in thatang tawh a huh uh banah ngun tawh kibawl umlebeel, kham, van tuamtuamte, ganhingte le letsong manphate tawh huh thuah lai uh hi.

Tedim Bible

⁶ tua ciangin a veng a pamte un thatang tawh a huh uh banah ngun tawh kibawl um-le-beel, kham, van tuamtuamte, ganhingte leh letsong manphate tawh huh thuah uh hi.

Ezra 1:6 Referans Kwoze

2 KORIN NIHNA 9:7

Pasian in piak nopna lungsim tawh a pia mite bek deih ahih manin, a kuamah peuh in na lungsim sung uh ah na ngaihsut sa zah ciat uh na pia unla, pia nuam lo pipi le sawl zawh thu bek tawh na pia kei un.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Ezra 8:33

A ni li ni-in Uriahʼ tapa siampi Meremothʼ tavuan lakna tawh i Pasianʼ biakinn sungah ngun, kham le umlebeelte kiseng hi. Finehasʼ tapa Eleazar in amah huh a, Levi mi Jeshuaʼ tapa Jozabad le Binnuiʼ tapa Noadiah in amau tegel huh uh hi.

Ezra 1:4

Tua ciangin koi lai mun koi lai gam a om hitaleh Judah mi a om lai khempeuh, ama omna mun mite in Jerusalem-a om Pasianʼ biakinn adingin utthu-a a piakte uh banah, ngun le kham, nate le ganhingte tawh zong huh ciat uh hen,” a ci hi.

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw uh hi.

Isaiah 35:3

A zaw khutte khauhsak unla, a no khukte kipsak un.

Paikhiatna 12:35

Moses in amaute tunga a gen bangin Israel mite zong gamta uh hi. Bang hang hiam cih leh amaute in Egypt miteʼ tung panin ngun le kham kizepnate le puante ngen uh hi.

Paikhiatna 12:36

Amauʼ ngette a piak nadingun Topa in Egypt miteʼ muhna ah Israel mite maipha a pia hi. Tua bangin amaute in Egypt miteʼ na a sut uh hi.

1 KHANG TANGTHU MASATE 29:9

Tua ciangin hih mite in utna lungsim tawh pia uh ahih manin mite lungdam uh hi; bang hang hiam cih leh amaute in a lungsim khempeuh uh tawh Topaʼ tungah pia ziahziah uh a, kumpi David zong nakpi takin a lungdam hi.

Late 106:46

Amaute a man mi khempeuhte in a khasiat pih zah dong dingin amah in amauʼ tungah a piangsak hi.