Ezra 1:1 - Tedim Bible Revision 2017

¹ Persia kumpi Sairasʼ uk kum khatna kumin, Jeremiah tungtawnin Topaʼ thugen a tun theih nadingin, ama gam sung khempeuh ah taangkona khat bawlin lai-in zong a gelh nadingin Persia kumpi Sairasʼ lungsimah Topa in a suaksak hi. Amah in hih bangin a hih hi:

Tedim Bible

¹ Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Ezra 1:1 Referans Kwoze

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Ezra 7:27

Tua ciangin Ezra in, “Jerusalem-a om Topaʼ biakinn tua bangin a min thangsak thuah dingin kumpipa lungsimah suak a, kumpipa le a thulamlakte le a uliante kei tungah a thunuam dingin a bawl i pu i pateʼ Pasian ahi Topa in thupha ngah tahen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Late 106:46

Amaute a man mi khempeuhte in a khasiat pih zah dong dingin amah in amauʼ tungah a piangsak hi.

Ezra 6:22

Tua hi a, amaute in lungdamna tawh ni sagih sung silngo sawh loh anlum pawi a bawl uh hi. Bang hang hiam cih leh amauʼ lungdam nading a om theih nadingin Topa in Assiria kumpipaʼ lungsim amauʼ tungah a nuam dingin a bawlsak hi. Tua ahih manin Israel Pasian ahi Pasianʼ biakinn a sepna uh ah kumpipa in amaute a huh hi.

Daniel 2:1

Nebukhadnezzar kumpi a suah zawh a kum nihna kumin mang khat a man hi. A lungsim patau lua mahmah ahih manin a ihmu thei kei hi.

Johan 1:23

Johan in, “Kamsang Isaiah in a na gen mah bangin, ‘Topaʼ tot ding lampi na tangsak un,’ ci-in gam sungah a kiko pa ka hi hi,” ci-in a dawng hi.

Ezra 1:5

Tua ciangin Judah le Benjamin sunga innkuan lutangte le siampite le Levi mite, Jerusalem khua-a om Topaʼ biakinn a lamkik dingin a lungsim sung uh ah Pasian in a suahsak mite khempeuh kithawi uh hi.

Ezra 4:3

Ahih hangin Zerubbabel le Israel sunga innkuan lutang a omlaite in amaute kiangah, “Koteʼ Pasian adingin ka lam uh biakinn pen noteʼ hong lunghihmawh pih ding hi lo hi. Persia kumpipa Sairas in kote hong thupiak sa bangin Israel Pasian, Topa adingin ko teng guak mah in ka lam ding uh hi,” a ci uh hi.

Ezra 6:3

“Kumpi Sairasʼ kum khatna kumin Jerusalem khua-a Pasianʼ biakinn tawh kisai-in kumpipa in thu pia hi: Biakna kipia-in meihal biakna a kipaipihna munah biakinn lamsakkik un. A sanna pi sawm kua, a vai pi sawm kua mah hi dinga,

Ezra 6:14

Tua hi a, kamsang Haggai le Iddoʼ suan Zekhariahʼ thugenna hangin Judah upate in a biakinn lam uh zom suakin maavang uh hi. Israel Pasianʼ sawlna le Persia kumpi Sairas le Darias le Artakzaksis-teʼ thupiakna tawh amaute in a biakinn lam uh a zo uh hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik dinga,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Jeremiah 1:1

Benjamin gam Anathoth khua-a siampi khat ahi Hilkiahʼ tapa Jeremiahʼ thugente hih bang ahi hi.

Ezekiel 38:5

Persia gam, Kush gam le Put gam mite in zong nang hong panpih uh a, amaute in lum le sik lukhu nei kim uh hi.

Daniel 6:25

Tua ciangin Kumpi Darias in leitung a om minamkimte, minam tuamtuamte le pau nam tuamtuamte khempeuh tungah hih bangin lai a khak hi: “Note tungah nopsakna thupha om tahen.

Daniel 9:2

Amah kumpi a suah a kum masa kumin keimah Daniel in, Topa in kamsang Jeremiah tungah Jerusalem kum sawm sagih sung kisia ding hi, ci-in a genna thu ngaihsunin biakna laibute ka sim hi.

Isaiah 45:1

Kulh kongpi sungah a lut theih nadingin ama mai ah kongkhakte a honsak ding, kumpiteʼ vangliatnate a lakkhiatsak ding, ama mai ah minam dangte a zawhsak dingin, a taklam khutin a let, a sathau nilh pa Sairas tungah Topa in hih bangin ci hi:

Daniel 1:21

Sairas, Babylon kumpi a suah hun dong, kumpi inn ah Daniel om to paisuak hi.