Efesa 6:13 - Tedim Bible Revision 2017

¹³ Tua ahih manin hun haksat hun hong tun ciangin galteʼ hong sukna teng khempeuh nang zo-in, a tawpna ah a gualzo na hih theih nadingun Pasianʼ galvan namkim na zang un.

Tedim Bible

¹³ Tua ahih ciangin a haksa gitlohna ni a tun’ ciangin khaam zo-in, phatmawhna khempeuh manin na do zawh nadingun Pasian’ hiamte khempeuh na silh un.

Efesa 6:13 Referans Kwoze

2 KORIN NIHNA 10:4

Koteʼ zat galdona hiam pen leitung galhiam lelte hi lo a, galteʼ panmun phualpi a susia zo ding Pasianʼ galhiam khauhte ahi hi.

Luka 21:36

Hih thupiang khempeuh thuak zawh nading thahatna na neih nading uh le Mihing Tapa mai ah na din theih nadingun a tawntungin thu ngenin vil niloh un,” a ci hi.

Efesa 5:16

Tu hun pen hunhoih lo hun ahih manin na hun neih khempeuh uh a hoih lamin zang un.

Luka 8:13

Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Malakhi 3:2

Ahi zongin ama hong pai ni ciangin kua in thuak zo dinga, amah hong kilaak ciangin kua nungta zo ding ahi hiam? Amah pen, sikte a siangthosak mei le puante a siangthosak satpiang tawh kibang hi.

Thuhilh-sia 12:1

Na lungkham hun ding a hong tun ma, “Nuntak nuamsa kei ing,” na cih ma hun, na khangno lai-in nang hong Piangsak pa phawk in.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Mangmuhna 6:17

Amauteʼ hehna hangin gimna hun hong tung ta ahih manin kua in thuak zo ding ahi hiam?” a ci uh hi.

Amos 6:3

Noteʼ tungah siatna hong tun ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

ROM (Romans) 13:12

Zan khuamial bei dektak a, sun khuavak hong tung dektak ta hi. Khuamial sunga gamtatnate khawlin khuavak sunga nazatte zam ta ni.

Jeim 4:7

Tua ahih manin Pasianʼ thu na mang un. Dawimangpa na nial un. Nial le-uhcin no kiang panin tai khia ding hi.

1 PETER MASA 4:1

Khris in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawh kha nawn lo uh hi.