Efesa 5:3 - Tedim Bible Revision 2017

³ Note pen Pasianʼ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Tedim Bible

³ Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Efesa 5:3 Referans Kwoze

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Efesa 5:5

Nulepa khialhna a gamta mi, a kilawm lo-a a gamta mi le a huaiham (huaihamna zong milim biakna zahin sia hi) mite in Khris Ukna le Pasian Ukna sungah bangmah ngah nei het lo ding ahihna uh teltakin thei ta un.

1 THESALONIKA MASA 4:3

Note a siangtho-in nungta-in numei tunga mawhna tawh na kipelh siangtho nading uh Pasian in hong deih hi.

1 KORIN MASA 6:18

Numei tawh mawhna na pelh un. Mi khat in a bawl mawhna tuamtuamte in ama pumpi su kha lo hi, a ci om hi. Ahi zongin numei tawh a mawhte, ama pumpi tungah a khial ahi hi.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

1 KORIN MASA 6:13

“An pen i gilpi ading hi a, gilpi zong an ading mah hi lo ahi hiam?” a ci zong om kha ding hi. Ahi zongin Pasian in tua tegel a beisak hun hong tung ding hi. Pumpi pen paktatna-in zat ding hi lo a, Topaʼ na sepna-in zat ding hizaw hi. Topa in pumpi ading na hong sem hi.

Efesa 5:12

Kuama theih lohin a simthamin a hihte uh gen ding nangawnin zong zumhuai lua hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mangmuhna 2:21

Tua numei a kisikkik nading hun ka piak hangin a paktatna panin kihei nuam lo hi.

1 KORIN MASA 10:8

Amaute pawl khat bangin numei tawh paktatna i gamta kei ding hi. Ni khat thu-in mi tul sawm nih le tul thum a si uh hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Mangmuhna 2:14

Ahi zongin note ka hong mawhsak nading thu tawm khat a om hi. Milim biakna ante nesakin, nulepa paktatna piangsak a, Israel mite mawhna a gamtasak Balak tungah thu a hilh Balaamʼ thuhilhnate a um mi pawl khat note lakah a om hi.

1 KORIN MASA 5:1

Note lakah numei tawh paktatna nasia mahmah in, lawkite nangawn a gamtat lohte na gamtatna uh hong kigen a, mi khat in ama nukik nangawn a luppihna thu ka za hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Paikhiatna 20:17

“Na veengte uh inn na deihgawh kei ding uh hi. Na veengte uh zi hitaleh, ama nasem pa hitaleh, ama nasem nu hitaleh, ama bawngtal hitaleh, ama la hitaleh, na veengte aʼ ahi na khat peuhpeuh na deihgawh kei ding uh hi,” a ci hi.

Mangmuhna 9:21

A mi thahna, a aisanna, a paktatna le a guktaaknate uh zong khawl tuan lo uh hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Hebru 12:16

Numei tawh a mawh mite suak kha kei unla, Esau bangin annek khat tawh innluah za a zuak mi na suahkhak loh nadingun kidawm un.

2 KORIN NIHNA 12:21

Note kiangah ka hong tun ciangin a beisa hunah note tampi tak thaangtatin, numei tawh mawhna, hukna, lannate hangin na khialhnate uh na kisik loh manun keimah dahin kapin, noteʼ muhna ah ka Pasian in kei hong maizumsak khak ding ka lunghimawh mahmah hi.

Titu 2:3

Tua mah bangin mite in Pasianʼ thu a gensiat khak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

2 TIMOTI NIHNA 3:2

Tua hun ciangin mite in amau angsung ding bek ngaihsunin, huaihamin, kisialin, kihisakin, mi zahko-in, nu le pateʼ thu mang loin, lungdam theihna mel nei loin, biakna lungsim nei loin,

Sawltak 15:20

milim biakna-a kizang an khempeuh a siang lo suak ahih manin a nek loh nading uh, numei tawh khialhnate panin a kikep nading uh, a si luang khiasak loin a kigawlmek sate le sasi khat peuhpeuh a nek loh nadingun lai i gelh zawk ding hoih ka sa hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, misiamte na teel khia ding hi. Tua bang mite pen a tul, a za, a sawm nga, a sawmte tungah a uk dingin na koih ding hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

2 PETER NIHNA 2:10

Pasianʼ thu nialin amau pumpi deihna zui-in a gamta mite gim pia phadiak hi. Hih sia man lote kiphasakin hangsan mahmah uh a, minthanna a nei vantung a omte zahtak het loin gensia ngam uh hi.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

Titu 1:11

Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

1 TIMOTI MASA 2:10

biakna lungsim neite adingin a kilawm ahih mah bangin gamtat hoih a neih ding uh ka deih hi.

Filippi 1:27

Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

ROM (Romans) 16:2

Amah pen keimah a kipan mi tampi adingin lawm hoih mahmah khat ahih manin, Pasianʼ mite in a hih dingin a kilawm ahih mah bangin Topaʼ thu sungah mihoihin na sang unla, noteʼ huh ding a kisapna khempeuh ah hoihtakin na huh un.

ROM (Romans) 6:13

Mawhna gamtat nadingin na pumpi nate uh khat beek na zang nawn kei ding uh hi. Note pen misi hi napi-in a kihingkiksak mite bang na hih manun, a hoihin a hong zat theih nadingin na pumpi bup uh Pasianʼ tungah na pia zaw ding uh hi.

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sia lam bekbek ngaihsutna, zuaugenna,

Sawltak 20:33

Kuama neihsa, ngun, kham le puante en dingin ka ngaihsun ngei kei hi.

Luka 16:14

Sum a deih phadiak Farisi mite in hih thute a zak uh ciangin Jesu a nuihsan uh hi.

Micah 2:2

Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Paunak 28:16

Ngaihsut siamna a nei lo gam ukpa a gilo kumpi hi dinga, thuman tawh ngah ding bek a deih mipa in sau veipi uk ding hi.

Late 119:36

Nangma thuhilhnateʼ lamah ka lungsim awnsak inla, ngah nading bekah awnsak kei in.

Late 10:3

Bang hang hiam cih leh migilo in a lungsim deihna kisaktheih pih a, ngahna dingah a huaiham pa in Topa phuisamin a taisan hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman hei khia uh hi.

Joshua 7:21

Shinar panin van kia lakah puan hoih khat le ngun shekel za nih a gik le shekel sawm nga a gik kham tawn khat ka muh ciangin, tuate iplahin ka la kha hi. Tu-in tuate ka puanbuk sung leilak ah a ngunte a nuai ah omin kiseel hi,” a ci hi.

Gamlak-vakna 25:1

Shittim ah Israel mite a om laitakin Moab gam numeite tawh paktat ding kipan uh hi.

Paikhiatna 23:13

Noteʼ tunga kong gente khempeuh thudon un; pasian dangteʼ min genin nei kei unla, na kam sung panun zong tua bangte kizasak kei un.

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Siampi Laibu 15:18

Pasal le numei a lup khawm khit ciangin, amau tegel tui sungah kisil ding uh a, a nitak mateng a nin hi ding uh hi.