Efesa 3:2 - Tedim Bible Revision 2017

² Noteʼ phattuam nadingin Pasian in hong hehpihna tawh hih nasep a sem dingin a hong sawlna thu na theih sa uh ahi hi.

Tedim Bible

² Note’ phattuam nadingin Pasian in hong hehpihna tawh hih nasep a sem dingin a hong sawlna thu na theihsa uh ahi hi.

Efesa 3:2 Referans Kwoze

1 TIMOTI MASA 1:11

Thuman ka cih pen thupha tawh kidimin a minthang Pasian in ka hilh dingin kei tungah a hong piak Lungdamna Thu ahi hi.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

ROM (Romans) 1:5

Minam khempeuh in ama thu umin a zuih theih nadingun Khris hangin sawltak nasep sep theih nading hamphatna thu Pasian in Khrisʼ na sep nadingin kote a hong pia hi.

Efesa 4:7

Ahi zongin eite khempeuh in Khris hong piakna tawh kizui-in siamna a tuam khat ciat i ngah hi.

1 KORIN MASA 4:1

Kote pen Khrisʼ nasem le Pasianʼ thusim a zeekte in nong ngaihsut ding uh ahi hi.

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Galati 1:13

Jew biakna sungah ka om lai hunin Pasianʼ pawlpi tuamtuamte bawlsiat ding kin mahmah in, a bei mang nading uh ka hanciamna,

Sawltak 22:21

Tua ciangin Topa in kei kiangah, ‘Gentail mite omna gamlapi ah hong sawl ding ka hih manin pai peuh in,’ hong ci hi,” a ci hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 9:15

Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

1 TIMOTI MASA 1:4

Phuahtawm tangthute le min tam pipi kizom deudau-a khangsimnate in upna tawh i ngah theih Pasianʼ vaihawmnate tangtungsak loin, khatlekhat kitotna piangsak lel ahih manin, tua bang thute a manlah pih loh nadingun na gen in.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

Efesa 4:21

Note in Khris thu na zak sa uh hi a, ama nungzui na hih manun Jesuʼ thutakna na theih sa uh ahi hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

ROM (Romans) 12:3

Pasian in kei tungah hehpihna hong piakkhongna hangin note tungah kong gen nop thu in: Note tawh a kituak zah valin kilian ngaihsut zaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.

ROM (Romans) 11:13

Tu-in no Gentail mite tungah thu kong gen nuam hi: No Gentail mite adingin sawltak ka sep sungteng ka nasep a thupi mahmah in ka ngaihsun ding hi.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Efesa 3:9

le Pasian in a geel sim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tu hun laitakin vantung a uk van mite in pawlpiʼ hangin Pasianʼ pilna a nam tuamtuamin a muh theih nadingun na khempeuh a bawl Pasian in a beisa hunah hih thu khempeuh a imcip hi.