Efesa 3:1 - Tedim Bible Revision 2017

¹ No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Tedim Bible

^1-2 Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Efesa 3:1 Referans Kwoze

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Filemon 1:9

Hih bangin ka hong genna pen itna i neihna hang ahi hi. Tu laitakin Khris taangmi ahi keimah Paul zong, Khris Jesu hangin thongkia-in a om ka hi hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Filemon 1:1

Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,

Sawltak 23:18

Galkap bupa in zong galkap mangpa kiangah va paipih a, “Hih tangvalpa in nang tungah gen nop khat hong nei ahih manin nang kiangah kong paipih nadingin thong kia Paul in a hong sawl hi,” a ci hi.

Luka 21:12

Ahi zongin hihte khempeuh hong pian ma-in keima hangin note hong kimanin hong kibawlsia ding hi. Kikhopna innte ah thusitna thuakin thong ah khiat dingin hong ki-ap dinga, ukpite le kumpite mai ah hong kipaipih ding hi.

Filemon 1:23

Khris Jesu hangin thong ka kiat pih Epafras a kipan,

Sawltak 26:29

Paul in, “Nangmah a kipan tu ni-a ka thugen a za mi khempeuh hun tomno sung ahi a, hun sau sungin ahi zongin, hih bangin sikkhau hong kikhihna sim loh, keimah nong batkim nadingun Pasian kiangah thu ka ngen hi,” a ci hi.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Kolose 4:18

Keimah Paulʼ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasianʼ hehpihna thupha hong tung tahen.

Kolose 4:3

Mite kiangah Khrisʼ thusim hilh theih nadingin Pasian in kote tungah hunpha hong piak theih nadingin thu hong ngetsak un. Ka thongkiatna pen hih thu hang mah ahi hi.

2 KORIN NIHNA 11:23

Amaute Khris nasem ahihleh kei zong hong hai pau mai ning. Khris nasem a hoih zaw pekpek ka hi hi. Amaute sangin na ka nak sep zaw a, satna tamvei ka thuak zaw a, sih dektakna tamvei ka tuak zaw hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Efesa 3:13

Tua ahih manin note hangin ka thuakna pen noteʼ phattuam nading ahih manin tua ka thuakna thu hangin lungkiatna-in na nei kei un.

Galati 5:11

Sanggamte aw, vun-atna kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrisʼ sihna thu ka hilhna hangin bangmah buaina a om kei ding hi.

Galati 5:2

Tu-in keimah Paul in kong gen ding thu limtakin na ngai un: Note in vun-atna na zat uh leh note adingin Khrisʼ nasepna a kimanna a om het lo ahi hi.

Sawltak 9:15

Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

2 KORIN NIHNA 1:6

Kote in gimna ka thuak uh leh noteʼ phattuam nading le hotkhiatna na ngah nading uh ahi hi. Kote in huhna ka ngah uh leh zong, note zong a hong kihuh hi a, koteʼ thuak bang gimnate na thuak uh ciangin lungduai takin na thuak zawh nading uh thahatna a hong kipia ahi hi.

Galati 5:24

Tua hi a, Jesu Khris a zui mite in a leitung lungsim pianzia uh le a leitung lungsim deihna khempeuh uh a phiat khit sa ahi hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

Efesa 3:11

Pasian in a tawntungin a ngimna a om sa bangin i Topa Khris Jesu nasepna tawh a ngimna a hong tungsak hi.