Efesa 2:3 - Tedim Bible Revision 2017

³ A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasianʼ hehna hangin gim a thuak dingte ihi hi.

Tedim Bible

³ Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.

Efesa 2:3 Referans Kwoze

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

1 PETER MASA 1:14

Pasianʼ thu na mang unla, na theih nai loh uh hun lai-in na gamtat ngei uh bangin na gamta nawn kei un.

Efesa 4:22

Zuauna lungsim in a suksiat khit sa, nidangin na nuntakna ngei uh ahi na pian lui uh paikhia unla,

ROM (Romans) 13:14

Kidal nadingin, Topa Jesu Khrisʼ hong piak galhiamte zang unla, na pumpi uh deihna bangin gamtat nading hun omsak nawn kei un.

ROM (Romans) 6:12

Tua ahih ciangin na pumpi uh deihna na zuih loh nadingun na pumpi uh, mawhna na uksak nawn kei ding uh hi.

Late 51:5

A khial sa mahin kei ka suak a, ka nu in a gil sungah hong paii tung a kipan a mawh sa ka hi hi.

1 JOHAN MASA 2:16

Bang hang hiam cih leh pumpi deihna, mit tawh mu-in i deihte le miteʼ kisaktheih pih nate ahi leitung nate khempeuh pen Pa Pasian tawh a kizom thu hi lo a, leitung tawh a kizom thu ahi hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

1 KORIN MASA 4:7

Note in bang kisaktheih pih na hi uh hiam? Tu-a na neih khempeuh uh Pasianʼ hong piak hi lo ahi hiam? Tua ahihleh hong kipia sa bek ahih manin a bang kisaktheih pih na hi uh hiam?

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtat nopna lungsim a om hangin ka hih zo kei hi.

Marka 4:19

hih leitung lunghihmawhna, hauh nopna le deihna dang a tuamtuamte in a thu khuhcip ahih manin bangmah suak khia zo lo hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

ROM (Romans) 11:30

No Gentail mite in a beisa hunah Pasianʼ thu na mang kei uh a, ahi zongin Jew miteʼ thuman lohna hangin tu-in Pasianʼ hehpihna na ngah uh hi.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lah theih nading thu a neih mah bangin,

Johan 1:13

Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuhʼ mawhnate ama tungah a suan hi.

JOB (Job) 25:4

Pasianʼ muhna ah kua dik zo dinga, siangtho zo ding ahi hiam?

JOB (Job) 14:4

Mihing banga a ninte sung panin a siang hong piang lo ding hi.

Piancilna 8:21

Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

2 PETER NIHNA 2:18

Amaute kiphasakin hai pau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

1 TIMOTI MASA 6:9

Ahi zongin a hau nuam mite in ze-etna a tuamtuam thuak a, duhhopna, huaihamna a haivai thute ah awkcipin, haksatna le siatna a tuah lawh uh hi.

Galati 3:22

Ahi zongin Jesu Khris a um mite tungah a upna hangun Pasianʼ thuciam a kipiak theih nadingin Lai Siangtho in, “Mawhna khutnuai ah leitung mi khempeuh a om hi,” na ci hi.

ROM (Romans) 1:24

Mihingte tua zahta-in hai lua uh ahih manin amau ututin a gamtat theih nadingun Pasian in khah khong vet a, a zumhuai mahmah pi-in a gamta uh hi.

1 JOHAN MASA 2:8

Ahi zongin note kiangah ka hong gelh thupiakna pen na zak ngei loh uh thu thak hi a, Khris gamtatna le noteʼ gamtatnate in tua thu a man taktak ahihna hong kilangsak hi. Tu-in khuamial bei ta a, khuavak taktak hong taang khinta hi, cihna pen thu thak ahi hi.

Sawltak 14:16

A beisa hun sungah Pasian in mi khempeuh amau ut bang ciatin hong gamtasak hi.

Piancilna 5:3

Adam kum za le kum sawm thum a phak khit ciangin, amah a sun tapa khat nei a, Seth ci-in a min a phuak hi.

ROM (Romans) 2:14

Gentail mite in thukham a neih loh uh hangin amauʼ ngaihsut tawmna tawh thukhamʼ deihna bang a gamtat uh ciangin tua thukhamʼ deihna a zui uh hi a, thukham a neih loh uh hangin a gamtat dingun a kilawm amau mahmah in a thei tawm uh ahi hi.

ROM (Romans) 5:9

Ama sihna hangin tu-in Pasian tawh kipawl thei ihih manin Pasianʼ hehna hangin gimna panin zong hong suaktasak zaw kan lai ding hi.

ROM (Romans) 5:10

Pasian tawh eite i kilangneih laitakin ama Tapaʼ sihna hangin amah tawh hong kilemsak ahihleh tu-in Pasian tawh kipawl khinta ihih manin Khris nuntakna in eite hong hon khia zo zaw kan ding hi lo ahi hiam?

Kolose 1:21

A beisa hunah noteʼ lungsim gitlohna le gamtat siatna hangin Pasian tawh kigamla-in Pasianʼ gal na hi uh hi.

1 THESALONIKA MASA 4:13

Sanggamte aw, lametna a nei lo mite bangin na dah luat loh nadingun a si sa miteʼ om zia ding thu na theih ding uh ka deih hi.

1 THESALONIKA MASA 5:6

Tua ahih ciangin midangte bangin eite mawk om hithiat loin khua phawkin pilvang ni.