Efesa 2:10 - Tedim Bible Revision 2017

¹⁰ Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Tedim Bible

¹⁰ Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Efesa 2:10 Referans Kwoze

Filippi 2:13

Bang hang hiam cih leh note in utna lungsim na neih nading uh le ama deihna na zuih zawh nadingun note sungah Pasian in a tawntungin na a hong sem ahi hi.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

2 KORIN NIHNA 5:17

Tua ahih manin mi khatpeuh, Khris tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi.

2 KORIN NIHNA 9:8

Note in na kisap khempeuh uh na neih theih nading uh le midangte huh nading zong na neih thuah theih nadingun Pasian in hong pia thei hi.

Efesa 4:24

A thutang a siangtho ahihna thu, nuntakna mahmah panin a kilangsak, Pasianʼ pianzia tawh kibangin a kibawl na ngeina thak uh bangin na nungta un.

Filippi 1:6

Note sungah hih nasep hoih a hong pan khia Pasian in Jesu Khris hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

2 TIMOTI NIHNA 2:21

Mi khatpeuh a hoih lo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-apin, a Topa tungah a manpha suak ahih manin a thupi diakte ah amah kizang ding hi.

Late 100:3

Topa, Pasian ahihna thei un. Eite hong bawlpa amah hi a, eite ama aʼ ihi hi. Eite ama mi ihi a, ama gankhahna sunga om a tuute ihi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Hebru 10:24

Khatlekhat ki-itin a hoih nate i sep nadingin kihanthawn ciat ni.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Kolose 3:10

ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Titu 2:7

Nangma pumpi mahmah gamtat hoihna a kipan thu khempeuh ah etteh hoih dingin na om in. Lungsim takpi tawh miteʼ zahtak theih dingin thu na hilh inla,

1 KORIN MASA 3:9

Kote pen Pasian adingin na a sem khawm mite ka hi uh a, note pen Pasianʼ lo na hi uh hi. Note pen Pasianʼ inn zong na hi uh hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Titu 3:1

Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

1 JOHAN MASA 2:6

Pasian tawh ka kipawl hi, a ci mi khempeuh, Jesu Khris a gamtat bangin a gamtat ding ahi hi.

Late 138:8

Topa in kei adingin a ngaihsutte hong tungsak ding hi. Topa aw, na itna kip tawntung hi. Na sep sa na maban hong tun ta in.

Isaiah 29:23

Bang hang hiam cih leh keima khut tawh ka bawl sa amauʼ tate a muh uh ciangin amaute in keima min hong phat ding uh hi. Amaute in Jakobʼ Siangtho Pa, a siangtho ahihna phawk ding uh a, Israel Pasian zahtakin kihta ding uh hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Johan 3:21

Ahi zongin thumanin a gamta mite ahihleh a gamtatnate uh Pasianʼ deihna tawh kituak hi, ci-in a kilatsak theih nadingun khuavak sungah a pai uh hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

2 THESALONIKA NIHNA 2:17

note lungsimah thakhauhna hong guan henla, a hoih thu khempeuh genin a sem zo dingin na tha uh hong hatsak tahen.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Sawltak 9:31

Tua ahih manin Judea gam, Galilee gam le Samaria gam sunga om pawlpite in bawlsiatna thuak nawn loin nuam takin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Jeremiah 31:33

Ahih hangin Topa in kong cih in ah, tua hun hong tun ciangin Israel minamte tawh hih bangin thuciamna ka bawl ding hi: Amauteʼ sungah ka thukham ka koih dinga, amauteʼ lungtang tungah ka gelh ding hi. Kei pen amauteʼ Pasian ka hi dinga, amaute pen keima mite ahi ding uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

2 KORIN NIHNA 5:5

Hih kikheel nading a hong vaihawmsak pa pen Pasian hi a, kote a hong piak dingte khempeuh hong pia taktak ding cih a lahna-in kote tungah ama Kha Siangtho a hong pia hi.

Isaiah 44:21

Jakob aw, hih thu phawk in. Israel aw, ka nasem pa na hi hi. Nang kong bawl a, nang pen keima nasem na hi hi. Israel aw, nang kong mangngilh kei ding hi.

1 TIMOTI MASA 5:25

Tua mah bangin gamtat hoihnate zong kilangin, kimu-in, a kithei pah kei zongin ki-imcip suak thei lo hi.

1 TIMOTI MASA 2:10

biakna lungsim neite adingin a kilawm ahih mah bangin gamtat hoih a neih ding uh ka deih hi.

Thu-hilhkikna 5:33

Note nungta-in, nuamsa-in na luah ding uh leitang ah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 19:25

Vanglian Topa in, “Ka mihingte ahi Egypt, ka khut tawh ka bawl sa ahi Assiria le keima luah ahi Israel mite in thupha ngah tahen,” ci-in thupha a piakte hi ding uh hi.

Late 81:13

Ka mite in ka thu hong ngai-in, keima deih bangin Israel a gamta hileh!

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

ROM (Romans) 8:1

Ahi zongin tu-in ahihleh Khris Jesu tawh kipawlin a nungta mite pen mawhna thukhenna tawh kipelh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Efesa 1:1

Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

Efesa 2:6

Khris Jesu tawh eite i kipawlna hangin vantungah amah tawh i uk khawm theih nadingin sihna panin Pasian in a hong thokhawmsak hi.

Efesa 2:13

Ahi zongin a gamlapi ah a omngei hi napi-in tu-in Khris Jesu tawh na kipawlna hangun ama sihna in Pasian kiang hong tunpih hi.

Efesa 2:15

Amah tawh kipawlna hangin minam nihte pawl khat a suah theih nadingin minam a dei Jew Thukham le a ngeinate khempeuh phiatin, eite pawl khat hong suahin a hong kilemsak hi.