Efesa 2:1 - Tedim Bible Revision 2017

¹ A beisa hunah na thuman lohna uh le na mawhna uh hangin kha thu tawh kisai ah a si na hi uh hi.

Tedim Bible

^1-2 Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

Efesa 2:1 Referans Kwoze

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.

ROM (Romans) 8:2

Bang hang hiam cih leh Khris Jesu tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

Efesa 4:18

a ngaihsutnate uh khuamial tawh kibang hi. Amauteʼ lungsim khauhin bangmah thei het lo uh ahih manin Pasianʼ hong piak nuntakna nei kha het lo uh hi.

Johan 5:21

Pa in mi si sate nangawn thosakin a nuntaksak mah bangin Tapa in zong a ut peuhpeuh nungtasak thei hi.

1 JOHAN MASA 3:14

Ei Khristiante khatlekhat ki-it ihih manin sihna khut sung panin pai khia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khut sung mahah a om lai uh ahi hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

1 TIMOTI MASA 5:6

Ahi zongin a pumpi uh deihna zui-in a gamta meigong numeite pen a pumpi uh a nuntak hangin kha thu ah a si khin ahi uh hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

Johan 10:10

Gutate pen a gu ding, a that ding le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neih theih nadingun a hong pai ka hi hi.

Mangmuhna 3:1

21 “Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei paʼ thugen in: Noteʼ gamtatnate ka thei a, note a si hi napi-in a hing min na pua uh hi.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 15:24

Bang hang hiam cih leh ka tapa a si sa hong nungta a, ka tapa a mang sa hong tungkik hi,’ a ci hi. Tua ahih manin lungdamna pawi bawl a kipan uh hi.

Mattiu 8:22

Jesu in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

2 KORIN NIHNA 5:14

Mi khempeuh adingin mi khat si khin ahih manin mi khempeuh zong a ngeina lui uh ah si khinta hi, ci-in ka theihna hangun tua Khrisʼ itna in koteʼ nuntakna hong uk hi.

Piancilna 8:21

Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.