Efesa 1:3 - Tedim Bible Revision 2017

³ Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Tedim Bible

^3-4 Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Efesa 1:3 Referans Kwoze

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

2 KORIN NIHNA 1:3

Eiteʼ Topa Jesu Khrisʼ Pa ahi, hehpihna a nei Pa, i kisapna khempeuh ah a hong huh Pasian in thupha ngah tahen.

Efesa 2:6

Khris Jesu tawh eite i kipawlna hangin vantungah amah tawh i uk khawm theih nadingin sihna panin Pasian in a hong thokhawmsak hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Late 72:19

A minthang ama min in thupha ngah tawntung henla, ama minthanna tawh leitung khempeuh kidim tahen. Amen! Amen!

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Galati 3:9

Abraham in a up manin Pasian in thupha a piak mah bangin Pasian a um midang khempeuh in zong thupha a ngah ahi uh hi.

1 KHANG TANGTHU MASATE 4:10

Jabez in Israel Pasian tungah thu ngen a, “Kei thupha hong pia-in ka gamgi hong keeksak in. Kei hong ompih inla, siatna khatpeuh in kei hong gimsak loh nadingin hong kem in,” a ci hi. Tua ciangin Pasian in ama ngetna pia hi.

Isaiah 61:9

Amauʼ suanlekhakte pen minamte lakah kithei dinga, amauʼ tuletate pen mite laizang ah kithei ding hi. Amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Late 134:3

Vanlelei a bawl Topa in Zion panin note tungah thupha hong pia tahen.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

Late 72:17

Ama min kip tawntung henla, a minthanna kip paisuak hen. Ama hangin mite in thupha ngah henla, minam khempeuh in amah pen thupha ngah pa, ci ta uh hen.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

Efesa 1:17

i Topa Jesu Khrisʼ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

2 KORIN NIHNA 11:31

Topa Jesuʼ Pa Pasian in thupha ngah tawntung tahen. Amah in ka zuau het loh lamtak a hong thei hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Piancilna 14:20

Na galte na khut sungah a hong pia Sangpen Pasian in thupha ngah hen,” a ci hi. Abram in na khempeuh sawm-ah-khat ama tungah a pia hi.

1 KORIN MASA 12:12

Pumpi pen khat bek hi napi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khris zong pumpi na a tuamtuam a nei pumpi khat ahi hi.

ROM (Romans) 12:5

Tua mah bangin eite mi tampi ihih hangin pum khat ihi a, pumpi nate bangin khatlekhat a kizom ciat ihi hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

2 KORIN NIHNA 5:17

Tua ahih manin mi khatpeuh, Khris tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi.

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah-te in, “Ding un, Topa na Pasian uh phat unla, ‘A tawntung pan a tawntung dongin a minthang na min in thupha ngah a, thupha khempeuh le phatna dang khempeuh sangin a sang zaw hi.

Hebru 8:5

Leitung a siampiteʼ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Filippi 2:11

Jesu Khris in Topa ahi hi, ci-in taangko-in Pa Pasian a min thangsak ding uh hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Hebru 9:23

A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoih zaw biakpiakna kisam hi.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Johan 14:20

Tua hun ciangin Pa sungah kei ka omna thu le note sungah ka hong om mah bangin keima sungah na omna thu uh na thei ding uh hi.

Luka 2:28

Simeon in naungek la-in a ang ah tawi-in Pasianʼ tungah lungdamna ko a,

2 KHANG TANGTHU NIHNATE 31:8

Hezekiah le uliante hong pai-in a lomte a muh uh ciangin amaute in Topa le ama mi Israel-te thupha a pia uh hi.