Efesa 1:14 - Tedim Bible Revision 2017

¹⁴ Tua Kha Siangtho pen, Pasian in piak dingin a hong ciam sa thu eite khempeuh in i ngah taktak ding a kician ahihna thu a hong lahna hi a, ama mi ahi taktak eite khempeuh pen a suakta takpi mite ihihna a kilat nading ahi hi. Tua ahih manin a kuamah peuh in Pasian phat ciat ni.

Tedim Bible

¹⁴ Pasian’ neihsa leh Pasian’ vangliatna a phat nading deihna-in tua Kha Siangtho in tatkhiatna hun dong eite luahna maleep ahi hi.

Efesa 1:14 Referans Kwoze

2 KORIN NIHNA 5:5

Hih kikheel nading a hong vaihawmsak pa pen Pasian hi a, kote a hong piak dingte khempeuh hong pia taktak ding cih a lahna-in kote tungah ama Kha Siangtho a hong pia hi.

2 KORIN NIHNA 1:22

Amah in eite pen ama aʼ ihihna ciaptehna eite tungah hong bawl a, ama aʼ ihihna le eite tungah a hong piak ding na khempeuh a hong pia takpi ding ahihna a kitel nadingin eiteʼ lungsim sungah Kha Siangtho a hong ma piak hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

Galati 4:6

Note pen ama tate na hihna uh a hong lah nadingin Pasian in ama Tapaʼ Kha Siangtho, eite sungah hong tumsak a, tua Kha Siangtho in Pasian pen, “Pa aw, pa aw,” hong cisak hi.

ROM (Romans) 8:23

Pasianʼ bawl sa nate bek hi lo a, Pasianʼ hong piakkhong Kha Siangtho maleep a ngah eite mahmah nangawn in zong, Pasian in ama tate-in hong bawlin i buppi-in a hong suahtaksak ding i ngak kawmin thumin tau-in i om hi.

Efesa 1:12

Tua ahih manin Khris a muang masa eite in Pasian phatin a minthanna vang kilangsak ni.

Sawltak 20:32

“Tu-in Pasianʼ khut sung le ama dikna thu sungah note ka hong ap hi. Amah in note hong khangtosak thei-in, ama mite khempeuh adingin a koih thuphate note tungah hong pia thei hi.

Late 78:54

A khut taklam tawh ama ngah sa mual ahi, a gam siangtho ah amaute a paipih hi.

Late 74:2

Tanglai-in na ngah sa na mihonte, nangma luah minam dingin na tatkhiat sate phawk in! Na teennasa Zion Mual hong phawk in.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Luka 21:28

Hih thute a pian ding hong kipat ciangin, note hong kihotkhiat ding hun hong nai ta ahih manin, dingin nuamna lungsim tawh khuadak un,” a ci hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.