Efesa 1:11 - Tedim Bible Revision 2017

¹¹ Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Tedim Bible

¹¹ Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

Efesa 1:11 Referans Kwoze

ROM (Romans) 8:28

Ama deihna bang a sem dingin Pasian in a hong sap, amah a it eite adingin piangsak hi, ci-in i thei hi.

1 PETER MASA 1:4

Pasian in ama mite adingin a koih thuphate i ngah nadingin lamenin i om hi. Tua thuphate sia ngei lo, nin ngei lo, mual ngei loin a om tawntungna vantungah note adingin a hong koihsak hi.

Efesa 1:14

Tua Kha Siangtho pen, Pasian in piak dingin a hong ciam sa thu eite khempeuh in i ngah taktak ding a kician ahihna thu a hong lahna hi a, ama mi ahi taktak eite khempeuh pen a suakta takpi mite ihihna a kilat nading ahi hi. Tua ahih manin a kuamah peuh in Pasian phat ciat ni.

Efesa 3:11

Pasian in a tawntungin a ngimna a om sa bangin i Topa Khris Jesu nasepna tawh a ngimna a hong tungsak hi.

Efesa 1:5

Pasian in Jesu Khris hangin ama mite ahi dingin eite a hong bawl ding a seh kholh sa hi a, tua bangin a hong bawl ding pen ama tupna le a utna ahi hi.

Galati 3:18

Pasianʼ hong piakkhong pen Thukham zuihna hang tawh a kingah hi mawk lehpiak ding hong ciamna hangin a kingah hi nawn lo ding hi. Ahi zongin Pasian in Abraham tungah letsong a piakna pen a thuciamnasa tawh kizui-in a piak ahi hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Titu 3:7

ama hong hehpihna hangin Pasian tawh kilemin i lamet nuntak tawntungna a ngah thei ihi hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Kolose 3:24

Topa in note tungah thaman a hong piak ding lamtak phawk gige un. Tua bangin na sepna uh ah Khris Topaʼ na a semsem na hi uh hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 20:32

“Tu-in Pasianʼ khut sung le ama dikna thu sungah note ka hong ap hi. Amah in note hong khangtosak thei-in, ama mite khempeuh adingin a koih thuphate note tungah hong pia thei hi.

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

Sawltak 4:28

Nangmah in na deihna bangin a piang dingin na vangliatna tawh na khensat sa thu khempeuh a sem dingin amaute kikhawm uh hi.

Jeremiah 32:19

na ngimnate lian mahmah a, na sepnate thupi mahmah hi. Miteʼ nuntak zia khempeuh na mu a, amauʼ nuntak dan le a sepna tawh kizui-in mi khempeuh tungah thaman na pia kim hi.

Late 37:18

Topa in a paubaang lote kem a, amauʼ gamh kip den ding hi.

1 PETER MASA 3:9

Hong bawlsiate siatna tawh thukkik loin hong samsia mite samsiakik kei unla, Pasian in note a hong sap lai-in thupha a hong piak dingin hong ciam sa ahih manin, hong siat bawlte thupha tawh na thuk zaw un.

ROM (Romans) 11:34

Tua ahih manin Lai Siangtho in, “Kua in Topaʼ lungsim thei dinga, kua in ngaihsutna va pia thei ding ahi hiam?

Zekhariah 6:13

Amah pen Topaʼ biakinn a lam ding pa hi a, kumpiteʼ ngah theih minliatna ngahin, ama mite uk ding hi. Ama kumpi tokhom gei ah siampi khat om dinga, kithutuakin, kilemin nasem khawm ding uh hi,” ci hi,’ va ci in.

Jeremiah 23:18

Amauteʼ lakah kua pen Topa tawh thu kikum khawm ngei a, a thugennate va thei ngei, va za ngei ahi uh hiam? Kua in ama kammal va ngai ngei a, va thupi ngaihsut ngei ahi uh hiam?

Isaiah 28:29

Hih zong Vanglian Topa’ kiang pan a hong pai thu ahi hi. Amah pen thu lamlahna ah lamdang mahmah a, pilna ah lian mahmah hi.

Thu-hilhkikna 4:20

Ahih hangin Topa in tu ni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Paunak 8:14

Thu geelin ka sem khia a, thu theihtelna nei-in, kei ka thahat hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

JOB (Job) 12:13

Pasian in pilna le vang nei a, amah thukipin thu a thei tel hi.

JOB (Job) 33:29

Pasian in hih thute khempeuh mihingte tungah hong hihkik zelzel a,

Isaiah 25:1

Topa aw, nang pen keima Pasian na hi hi. Nangmah kong liansak dinga, nangma min ka phat ding hi. Bang hang hiam cih leh a lamdang nate na sem khin a, tanglai pek a na geelnate a kip a kho takpi ahi hi.

Sawltak 13:48

Gentail mite in hih thu a zak uh ciangin lungdam mahmah uh a, Pasianʼ thu hoih mahmah hi, ci-in a phat uh hi. Nuntak tawntungna a ngah dingin Pasian in a teel sa mite in Pasianʼ thu hong um uh hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

ROM (Romans) 8:30

Tua ahih manin ama sap mite a seh sa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

ROM (Romans) 9:11

Pasianʼ teelna pen a teel miteʼ nasepna hang hi loin Pasianʼ sapna tawh kisai zaw hi, ci-in a kilat nadingin a tate a sia a pha a gamtat theih ma, a suah ma pek mahin

Efesa 1:9

Pasian in a pilna le a thumuhnate zangin ama geel sa bangin hong sem a, Khris zangin a sepnop thusim teng eite tungah hong kilangsak hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.