Efesa 1:10 - Tedim Bible Revision 2017

¹⁰ Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Tedim Bible

¹⁰ A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Efesa 1:10 Referans Kwoze

Kolose 1:20

Pasian in a Tapa zangin na khempeuh ama kiangah a kaihkik ding a seh sa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Marka 1:15

“A hunhoih hong tung ta a, Pasianʼ Uk ding hun hong kipan ta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimu thei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khris adingin a mahmah zangin a piangsak hi.

1 PETER MASA 1:20

Pasian in hih bang dingin leitung pianmapekin Khris a teel sa hi a, note a hong khualna-in tu hun nunung ciangin Pasian in note kiangah amah a hong lak khia pan ahi hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

Efesa 1:22

Pasian in Khrisʼ khe nuai ah na khempeuh koih a, thu khempeuh ah pawlpiʼ lutang dingin Khris a bawl hi.

1 KORIN MASA 11:3

Ahi zongin na theih ding uh ka deih thu in: Mi khempeuhʼ lutang pen Khris hi a, numeiʼ lutang pen pasal hi a, Khrisʼ lutang pen Pasian ahihna thu ahi hi.

Amos 9:11

Tua ciangin inn tawh kibangin a sia sa David ukna gam keimah in ka puahkik dinga, a vang teng hu-in, a sia teng ka puahkik dinga, a nidang a a ngeina lui mah uh ka bangsakkik ding hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Hebru 11:40

Bang hang hiam cih leh Pasian in eite adingin a hoih zaw-in thu hong vaihawmsak a, amaute tawh eite i kikop ciangin amaute a cingtaak ahih theih phing nading uh Pasianʼ geelna ahi hi.

Kolose 3:11

Tua ahih manin Gentail mi le Jew mi, vun at mi le vun at loh mi, khuapi mi le khua neu mi, sila le sila ahi lo, cih bangin a kilamdanna om lo a, Khris pen mi khempeuh ading hi thei a, thu khempeuh ading hi thei a, thu khempeuh ah amah bek ahi hi.

Efesa 2:15

Amah tawh kipawlna hangin minam nihte pawl khat a suah theih nadingin minam a dei Jew Thukham le a ngeinate khempeuh phiatin, eite pawl khat hong suahin a hong kilemsak hi.

1 KORIN MASA 10:11

Leitung bei kuan hun sungah a om eite adingin hih thupiangte i etteh ding thu hi a, eite hilhkholh nadingin lai sungah a kiciamteh ahi hi.

Mattiu 25:32

Ama mai ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Efesa 3:2

Noteʼ phattuam nadingin Pasian in hong hehpihna tawh hih nasep a sem dingin a hong sawlna thu na theih sa uh ahi hi.