Efesa 1:1 - Tedim Bible Revision 2017

¹ Pasianʼ sawlna tawh Jesu Khrisʼ sawltak ahi keimah Paul in, Efesa khua ah a om thu um mite tungah lai ka hong khak hi.

Tedim Bible

¹ Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Efesa 1:1 Referans Kwoze

Kolose 1:2

Kolose khua ah a om Pasianʼ mi ahi, Khris sungah kip takin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

2 KORIN NIHNA 1:1

Jesu Khrisʼ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua ah a om Pasianʼ pawlpi mite le Akhaia gam sungah a om Pasianʼ mite khempeuh tungah lai ka hong khak uh hi.

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

Efesa 6:21

Ka septe le ka om zia khempeuh na theih nadingun Topa thu sungah i sanggam, thuman takin na a sem Tikhikas in note kiangah thu khempeuh a cingin hong gen ding hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesu Khris thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Luka 16:10

“A tawmno ah a diktatte pen a tam ah zong dik tat uh a, a tawmno ah a citak lote pen a tam ah zong citak lo uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Galati 3:9

Abraham in a up manin Pasian in thupha a piak mah bangin Pasian a um midang khempeuh in zong thupha a ngah ahi uh hi.

ROM (Romans) 8:1

Ahi zongin tu-in ahihleh Khris Jesu tawh kipawlin a nungta mite pen mawhna thukhenna tawh kipelh hi.

Sawltak 16:15

Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

Gamlak-vakna 12:7

Ka nasem pa Moses tawh tua bang hi lo hi; ka inn sung thu khempeuh amah ki-ap hi.

1 KORIN MASA 4:12

Koteʼ nektawm ding ka thatang mahmah uh tawh nakpi takin ka sem uh hi. Hong kisamsiat ciangin thupha ka lehpiak uh a, hong kibawlsiat ciangin ka gumthuak uh hi.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

Sawltak 18:19

Tua bangin a pai uh ciangin Efesa khua tung uh a, Paul zong kikhopna inn ah pai-in Jew mite tawh thu a kiseel uh hi. Tua khua ah Prisilla le Aquila-te nupa a taam lai nading Paul in a gen hi.

Sawltak 18:21

a dinkhiat ding ciangin, “Pasian deihna ahih nakleh note kiangah ka hong hawhkik ding hi,” ci-in vaikhakin, Efesa khua panin teembaw tawh a ding khia hi.

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

Efesa 1:15

Note in Topa Jesu na muanna thu uh le thu umte khempeuh na itna thu uh ka zak hun a kipanin,

Efesa 2:6

Khris Jesu tawh eite i kipawlna hangin vantungah amah tawh i uk khawm theih nadingin sihna panin Pasian in a hong thokhawmsak hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Efesa 2:13

Ahi zongin a gamlapi ah a omngei hi napi-in tu-in Khris Jesu tawh na kipawlna hangun ama sihna in Pasian kiang hong tunpih hi.