Daniel 9:7 - Tedim Bible Revision 2017

⁷ Topa, nang na hih leh na siangtho a, ahih hangin kote ka hih uh leh a zumhuai-in ka gamta uh hi. Judah gam le Jerusalem khua sunga teeng Israel mite khempeuh thuman lo uh ahih manin, a nai a gamla gam tuamtuam ah na thehthang zo hi.

Tedim Bible

⁷ Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Daniel 9:7 Referans Kwoze

Daniel 9:14

Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.

Daniel 9:8

Ka kumpite uh, ko hong ukte le ka pu ka pate uh a zumhuai-in gamta uh a, a hong uk Topa nangma tungah hong khial khin uh hi.

Jeremiah 3:25

Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.

Late 44:15

Keimah a hong ko mi le keimah a hong minsiasak miteʼ kampauna ahi a, galte le langte in hong bawlna hang ahi zongin, sun thapai-in ka zahhuai den a, maizumna tawh ka kidim hi.

Thu-hilhkikna 4:27

Topa in mite lakah note hong thehthang dinga, Topa in note hong hawlna minamte lakah mi tawmcik bek na om lai ding uh hi.

ROM (Romans) 6:21

Ahi zongin, tuhunin gamtat dingin zumhuai na sakte uh, tua hun lai-in na gamtat manun bang thaman ngah na hi uh hiam? Tua na gamtatna thaman uh sihna ahi hi.

Amos 9:9

Keimah in thu ka pia dinga, anhaihna ciang tawh an a kihaih mah bangin keimah in Israel mite ka lok niloh ding hi. A hoih loteng a kipaihkhiat theih nadingin minam dangte lakah ka haih ding hi.

Ezekiel 36:31

Na gamtatna sa uh na gitlohnate uh le na hoih lohnate uh na phawkkik ding uh a, na mawhna uh le na khialhnate uh hangin nomau mahmah na kimudahtawm ding uh hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

Jeremiah 24:9

Amaute ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 12:1

Topa aw, nang tawh thu i kiseel ciangin nang a tawntungin na man den hi. Ahih hangin thu khat ka hong dong nuam lai hi. Bang hangin migilote daupai uh a, mi khem hatte gualzo sese ahi uh hiam?

Isaiah 45:16

Milim a bawl mite khempeuh in maizumna thuakin cih nading thei loin om ding uh hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Late 119:137

Topa aw, nang na thuman a, na thukhennate zong thuman mahmah hi.

Late 51:14

Kei a hong hon Pasian aw, sih nading panin kei hong hon khia in. Nong hotkhiatna thu lungdam takin ka sa ding hi.

Late 51:4

Nangma tungah khialin, nangma muhna ah a sia ka gamta khin hi. Tua ahih ciangin na thugenna ah nang na thutang a, thu na hong khenna ah pauna ding bangmah om lo hi.

Nehemiah 9:33

Kote tungah hong tung sa thu khempeuh ah nang a thutang na hi a, nang citakin a om na hi a, kote a khial gamtat kha ka hi uh hi.

Ezra 9:13

Tu-in koteʼ gamtat siate le a lian ka mawhnate uh hangin hih bang gimna lian ka thuak uh hi; ahi zongin nangmah in koteʼ tuah dinga kilawm zah gimna hong tuaksak loin, tu-a banga a nungta lai-in nong omsak zaw hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suaktasak veve hi. Na muhna ah kote a mawhpi mah hi ta le-ung hong hehpih in; bang hang hiam cih leh mawhna tawh nangma mai ah kuamah om thei lo hi,” ci-in thu ka ngen hi.

Jeremiah 23:6

Ama hun hong tun ciangin Judah mite kihon khia dinga, Israel mite lungmuang takin a teeng ding uh hi. Amah a kilawh nadingin a min, ‘Topa, Eiteʼ Diktanna,’ ci-in a kiphuak ding hi.

Jeremiah 33:16

Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.

Ezekiel 6:12

A gamla a om mite cina-in si ding uh a, a nai-a omte gal sungah si ding uh hi. A om lai sunte gil kialin puksi ding uh hi. Amaute in keima hehna thuak ding uh hi.

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Jeremiah 4:17

Judah gam in kei hong langpan ahih manin lohongte bangin a galte in a kimkot ah a pang dimdiam uh hi, Topa in kong ci hi.

Jeremiah 7:19

Topa in kong cih in ah, tua hangin gimna a thuak, kei hi zenzen ka hi hiam? Hi lo hi. Amauʼ zum nadingin amau mah in a thuak uh hizaw hi lo ahi hiam?

Jeremiah 32:32

Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khua mite khempeuh in kei hong hehsak nadingin siatna a bawl uh hi.

Ezekiel 5:10

Tua kong gimpiakna hangin nang Jerusalem khuapi sungah papite in a tapateʼ sa ne-in, tapate in a pate uhʼ sa ne ding uh hi. No a mite gim kong pia dinga, a suakta kha sunsunte nangawn mun khempeuh ah kong thehthang gawp ding hi.